ဤကမ္ဘာမြေရှိ နိုင်ငံတိုင်း သမိုင်းရှိသည်။ သူရဲကောင်းရှိသည်။ တိုင်းပြည်တည်ထောင်သူ ဖခင်ရှိသည်။ အမျိုး၊ဘာသာ၊သာသနာကွဲပြားခွဲခြားမှုရှိသည်။ ခွဲရေး-တွဲရေးကို ရင်ဆိုင်ကြဖူးသည်။ ဖြေရှင်းကြရဖူးသည်။
အာဇာနည်နေ့ဟူ၍ကား ကမ္ဘာ့နိုင်ငံပေါင်း၁၉၆နိုင်ငံတွင် မြန်မာ၊ အိန္ဒိယ၊ နီပေါ၊ ဗီယက်နမ်နှင့် အစ္စလမ်မစ်နိုင်ငံများပါသော ၂၃ နိုင်ငံ၌သာကျင်းပကြလေသည်။
တကယ်တော့ အာဇာနည်ကို မြန်မာဖွင့်ဆိုပုံနှင့် Martyr အဖြစ်အင်္ဂလိပ်ဘာသာစကားနှင့်ဖွင့်ဆိုခြင်းတွင်လည်းမတူ။

အာဇာနေယျ-အာဇာနည်

ဒီပင်္ကရာဘုရားရှင်လက်ထက်တော်က သုမေဓာရှင်ရသေ့ (ဂေါတမမြတ်စွာဘုရားလောင်း) အား ”အာဇာနေယျော=အံ့သြလောက်အောင် တွေ့ရမြင်ရခဲသူပါတကား”ဟု ဆိုပြီး ဝိုင်းအသိအမှတ်ပြုရာမှ အာဇာနည်စကား စခဲ့သည်။ – (ဓမ္မဘေရီ အရှင်ဝီရိယ)
အင်္ဂလိပ်စာအဖွင့်တွင်မူ Martyr : A person who is killed because of their religious or other beliefs. ဟုဖွင့်ပါ၏။
သို့ဆိုသော် မြန်မာတို့၏အာဇာနည်သည် ဗိုလ်ချုပ်အောင်ဆန်းနှင်တကွ ကျဆုံးလေပြီးသော ခေါင်းဆောင်များသာမက ၁၉၈၈ လူထုအုံကြွမှုကြီးတွင် မိမိယုံကြည်ချက်အတွက် အသက်ပေးလိုက်သူများကိုလည်း ရည်ညွှန်း၍ရမည်။ မြန်မာ့မြေသည် အာဇာနည်-ဝေစည်လှသောတိုင်းပြည်တည်း။

ဗိုလ်ချုပ်ပေးသောထပ်ဆုလာဘ်

ယခုနှစ်တွင်အာဇာနည်နေ့နှင့် ၀ါဆိုလပြည့်-သစ္စာလေးပါး အမှန်တရားကို ဗုဒ္ဓစတင်ဟောကြားသော ဓမ္မစကြာနေ့တို့ တရက်တည်းထပ်ကျသည်။
အာဇာနည် ခေါင်းဆောင်ကြီးများအား ရည်စူး၍ သံဃာတော်များအား နေ့ဆွမ်းဆက်ကပ်လှူဒါန်းပြီး ကောင်းမှုအစုစုတို့ကို အမျှဝေခြင်းကို အမှတ် ၅၄  ဒေါ်အောင်ဆန်းစုကြည်နေအိမ်တွင်ကျင်းပရာတွင် လက်ရှိမြန်မာနိုင်ငံရေး၏ တာဝန်အမြင့်ဆုံးပုဂ္ဂိုလ်အားလုံးတက်ရောက်ကြခြင်းဖြင့် မော်ကွန်းတင်လိုက်ပါသည်။ တပ်မတော် ကာကွယ်ရေးဦးစီးချုပ်ဗိုလ်ချုပ်မှုးကြီး မင်းအောင်လှိုင်ပါသည်။ ကာချုပ်ဟောင်း ဦးတင်ဦးပါသည်။ ဒုတိယသမ္မတ ၂ဦးပါသည်။ လွှတ်တော်၂ရပ်၏ ဥက္ကဌ၂ဦးပါသည်။ သူရဦးရွှေမန်းပါသည်။သူတို့ သီလဆောက်တည် တရားနာကြသည်။ မြန်မာ့ဓလေ့ယဉ်ကျေးမှုအရဆိုပါလျှင် သံသရာအဆက်ဆက်တွင် ရေစက်ဆုံသွားကြပါလေပြီ၊
လွန်ခဲ့သော ရက်သတ္တပါတ်များကပင် ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ်တို့ကို ခပ်စိတ်စိတ် ယှဉ်တွေ့နေရပေရာ မြန်မာ့နိုင်ငံရေးတွင် အကောင်းဖက်ပြောင်းယူမည့် နိမိတ်တို့စနေပြီ်ဟုဆိုချင်သည်။

ပြည်ထောင်စုငြိမ်းချမ်းရေးညီလာခံ – ၂၁ရာစုပင်လုံ

မေ ၃၁ ရက်စွဲဖြင့် သမ္မတဦးထင်ကျော်လက်မှတ်ထိုးထားသည့် ကြေညာချက် ၂ ခုအရ မြန်မာပြည်တွင် ပြည်ထောင်စုငြိမ်းချမ်းရေးညီလာခံ ကျင်းပမည်ဖြစ်ပါသည်။ ထိုမှသည်ဖယ်ဒရယ်ပြည်ထောင်စုဆီသို့သွားမည်ဖြစ်ကြောင်း အာဏာရ အမျိုးသားဒီမိုကရေစီအဖွဲ့ချုပ်၏ မူလကြေငြာချက်တွင်ရှိသည်။

ဇူလိုင် ၁၇ရက်နေ့ကလည်း ဒေါ်အောင်ဆန်းစုကြည်နှင့် ညီညွတ်သော တိုင်းရင်းသား လူမျိုးစု ဖယ်ဒရယ်ကောင်စီ (UNFC)တို့တွေ့ဆုံဆွေးနွေးခဲ့သေးသည်။
ထိုပွဲတွင် ဒေါ်အောင်ဆန်းစုကြည်မှ “တောင်းချင်တာ တောင်းပါ။ ဒါပေမဲ့ တောင်းတိုင်း အကုန်ပေးနိုင်မယ်လို့တော့ အာမမခံဘူး” ဟုပြောကြားခဲ့ရာတွင် (UNFC) ၏နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) ခေါင်းဆောင် ခူဦးရယ်က “တိုင်းရင်းသားများမှာ တောင်းစရာမရှိသလို မရှိသလို ပေးစရာလည်းမရှိပဲ တိုင်းပြည်ကြီးအား အတူတကွ ငြိမ်းချမ်းတိုးတက်အောင် ဆောင်ရွက်နိုင်ဖို့ကိုသာ အလိုရှိတယ်” ဟု နောက်တနေ့သတင်းစာရှင်းလင်းပွဲတွင် ထုတ်ဖေါ်ပြောကြားခဲ့သည်။

ပေးစရာ ရှိကြသလော

လွတ်လပ်ရေးရပြီးနောက် ပြည်တွင်းစစ်ကြီးအဖြစ် အဦးဆုံးတိုက်ခဲ့သော ကရင်တို့လည်းစစ်ပန်းခဲ့ပြီ၊ စစ်စားရိပ်အတွက် ၀ိုင်း၍ထုတ်ယူခဲ့သဖြင့် တောနှင့်သယံဇာတသာမက လုပ်အားထုတ်နိုင်သော လူသားအရင်းအမြစ်တို့လည်း လျှော့နည်းကုန်ပေပြီ။
သို့သော် China စိန့်ပြည်နှင့်ဆက်စပ်နေသော လက်နက်ကိုင်များကား စွမ်းလာဟန်ရှိသည်။  ငွေကြေးနှင်စစ်အင်အားတောင့်လာသဖြင့် လက်ဆသွေးလာသော စိန့်ပြည်နှင့်လည်း ဘာသာစကားတူ၊ မျိုးဇာတိနွယ်ယှက်စပ်နေပေရာ လွန်စွာသတိထားရမည့်အနေအထားဖြစ်သည်။ စိန့်ပြည်သည် သူ၏မဟာဗျုဟာများကို အန်ချစပြုနေပြီဖြစ်ပါသည်။ South China Sea တွင် လူလုပ်ကျွန်းထောင်ကာ ရေပိုင်နက်အုပ်စိုးမှုပြုခြင်းကို အကြောင်းပြု၍ နိုင်ငံတကာ၏ဆုံးဖြတ်ချက်ကိုလည်း မလိုက်နာသေးပဲ အမေရိကပြည်ထောင်စုနှင့်ပင် ဆက်ဆံရေးတင်းမာလာဟန်ရှိသည်။ သို့ဖြင့် ကမ္ဘာ့ဒေသန္တာရအခြေအနေအရ တိုင်းရင်းသားလက်နက်ကိုင်များတွင် မယူတတ်လျှင်ပေးစရာရှိလာနေပေပြီ။ Proxy စစ်ပွဲတို့တည်း။

အမျိုး၊ဘာသာ၊သာသနာ

ကိုးကွယ်ရာသာသနာသည် လူတဦးစီ၏ကိုယ်ပိုင်လွတ်လပ်ခွင့်ဖြစ်သည်။ ပုဂ္ဂလိကခံယူယုံကြည်ချက်ဖြင့် အလိုရှိရာ ကိုးကွယ်နိုင်သည်။ သာသနာမယူ လွတ်လပ်သူလုပ်နိုင်သည်။ ဘာသာစကားသည်လည်း စိတ်ကြိုက်လေ့လာသင်ယူနိုင်သည်။ ဘာသာ။သာသနာနှင့် ကွဲပြကြသည်ကိုစေ့စပ်နည်းလမ်းသည် မလွယ်သော်ငြား ခက်ကားမခက်။
သို့သော် အမျိုးဖြစ်သော မျိုးရိုးဇာတိနွယ်သည် မွေးရာပါဖြစ်သည်။ ပြင်ပြောင်း၍မရ။ ပြင်ပြောင်း၍မရသော မွေးရာပါဇာတိနွယ်ဖြင့် နယ်နမိတ်ကို ခွဲခြားသတ်မှတ်ပေး၍ကားမရ၊ ခွဲခြားသတ်မှတ်ပေးနိုင်လျှင်လည်း ပဋိပက္ခတို့နှင့်အတိပြီးသော ဒေသဖြစ်လာမည်။
မြန်မာပြည်သည် အိပ်မက်ဆိုးဖြစ်နိုင်သော ပြည်နယ်အမည်ပေးစနစ်ရှိ၏။ ကချင်၊ကယား၊ကရင်၊ချင်း၊မွန်၊ရခိုင်၊ရှမ်းဟူ၍ ပြည်နယ်အမည်တို့အားလူမျိုးအမည်နှင့်တွဲခေါ်ထားခြင်းတည်း။ လက်တွေ့တွင်မူ ကရင်နယ်တွင် မွန်နေသည်။ ကချင်နယ်တွင် ရှမ်းနေသည်။ ရှမ်းနယ်တွင် ကိုးကန့်၊၀ပြည်ရှိသည်။ မွန်ပြည်တွင်ဗမာရှိသည်။ ထိုသို့ဖြင့် တိုင်းရင်းသားပိုင် ကိုယ်ပိုင်အုပ်ချုပ်ခွင့်ရနယ်မြေများဖယ်ဒရယ်ပြည်ထောင်စုအဖြစ်မည်သို့တည်ထောင်၍ နယ်နမိတ်မည်သို့ခွဲကြမည်နည်း။

ကမ္ဘာ့ယဉ်ကျေးမှုသမိုင်းတွင်မည်သို့ဖြေရှင်းကြပါသနည်း?
အမေရိကန်လူမျိုးဟူသည် သမိုင်းသက်သေအထောက်အထားအရ နှစ်ပေါင်း၅၀၀ ကျော်ရှိခဲ့သော်ငြား ယခုခေတ်တွင်အမေရိကန်ကို လူမျိုးတမျိုးဟု တိတိပပအမည်မတတ်သေး။
အမေရိကမြေတွင်မွေးဖွားသူတိုင်းကိုအမေရိကန်တံဆိပ်တပ်ပေးလိုက်ခြင်းအားဖြင့် နေထိုင်ရာတိုင်းပြည်ကိုသစ္စာရှိသောသူတို့ကို မွေးထုတ်ရှင်သန်စေပါသည်။ အမေရိကန်တဦးအား နိုင်ငံမှထိထိရောက်ရောက်တာဝန်ယူသည်။ တာဝန်ခံသည် ထိုသို့ဖြင့် မြန်မာတို့လည်း မြန်မာ အမေရိကန်ဖြစ်လာသည်။
စစ်တမ်းသုတေသနများအရ အမေရိကမြေရောက်သော မည်သည့်လူမျိုးဇာတိနွယ်မဆို မျိုးဆက် ၃ခုရောက်လျှင်မူလမျိုးနွယ်မှေးမှိန်ပပျောက်ပါသတည်း။ လူမျိုးကို အမေရိကန်နိုင်ငံသားဟူသောပုဝါပါးဖြင့်အုပ်ကာ အစုထုတ်ပေးလိုက်ခြင်းပေးတည်း။ အောင်မြင်သောနည်းလမ်းအဖြစ်အတုယူသင့်သည်။

လူမျိုးအခြေပြု နယ်မြေပိုင်ဆိုင်မှု

မြန်မာပြည်၏ အဓိကပြဿနာသည် န၀တခေတ်တွင် တိုင်းရင်းသား၁၃၅ မျိုးခွဲထုတ်က Divide and rule သွေးခွဲအုပ်ချုပ်ထားခဲ့ခြင်းဖြစ်သည်။ ၂ယောက်ရှိလျှင် ၃ဖွဲ့ကွဲတတ်သော မြန်မာဇာတိနွယ်တို့တွင် ၁၃၅မျိုးအား ဖယ်ဒရယ်ကိုယ်ပိုင်အုပ်ချုပ်ခွင့်ရ စသဖြင့် မည်သို့စုစည်းခြင်း ဖြစ်နိုင်ပါမည်နည်း။
ဖယ်ဒရယ်ပြည်ထောင်စုကို လူမျိုးအခြေခံထားစုစည်းပြီး တည်ထောင်ရန် မဖြစ်နိုင်ပေ။ ၁၃၅မျိုးကို လျှော့ချပစ်ရမည်။
ယခုလို ၂၁ရာစုခေတ်တွင် လူမျိုးဆင်တူ ဗီဇသွေးတူ ၇၅% အထက်တူသူုများကို အုပ်စုထားပေးရန်လွယ်လှသည်။
မျိုးရိုးဗီဇစစ်စက်များလည်းရှိနေပြီ။ တံတွေးတစက်၊ ဆံပင်တဖြတ်မှသည် ထိုထိုသူ၏ ဇာတိနွယ်ကို အပုံ၁၀၀ ပုံ၁ပုံအထိ ဗီဇသိပ္ပံအစွမ်းဖြင့်လှမ်းကြည့်နိုင်သည်။
ကုသသမဂ္ဂ၏ စစ်တမ်းအရမူ လူ၏မူလ-ဟိုမိုဆက်ပီယံတွင် ယခုခေတ်၌မျိုးရိုးဇာတိသန့်သန့် ၁၀၀% ဖြင့်မရှိနေနိုင်ဆိုပါသည်။
သို့ဖြင့် မျိုးနွယ်ဇာတိကြောင့်ဖြစ်သော ပဋိပက္ခတို့ကို ဖယ်ချလျှော့ကျစေကာ မြန်မာ့မြေမှာမွေးဖွားသူတိုင်းအား One Burman အဖြစ်နှင့် အုပ်စုကြီး၈ခုထားကာ နယ်မြေများခွဲကြရန်ဖြစ်ပါ၏။

သို့ဆိုသော် လူမျိုးအားဖြင့် မြေပိုင်လိုသလော။ လက်နက်အင်အားဖြင့် မြေကိုယူလိုသလော ရှင်းလင်းသွားမည်ဖြစ်ပေသည်။
လူမျိုးဇာတိအားဖြင့် မြေပိုင်လိုသူများ အချင်းချင်း နယ်နမိတ်ပိုင်းခြားရန်လွန်စွာခက်ခဲရှုပ်ထွေးသော်ငြား အခြားတောင်းဆိုမှုများအတွက်မူ ညှိနှိုင်းအဖြေထုတ်ခြင်း များစွာလွယ်ကူပါသည်။

The war to end war

လူမဲများအား ကျွန်အဖြစ်ပြု/မပြုခြင်းမှအစပြုသော သမ္မတလင်ကွန်းလက်ထက်တွင်ဖြစ်ခဲ့သည့် အမေရိကန်ပြည်တွင်းစစ်ကြီးအား လူမသေ၊စစ်မဖြစ် တိုက်ရိုက်စေ့စပ်ညှိနှိုင်းခြင်းဖြင့် အပြီးသတ်ခဲ့သည်ကားမဟုတ်။ လက်နက်ကိုင်ကြ၍စစ်ဖြစ်လာလျှင် စေ့စပ်ဆွေးနွေးနည်းဖြင့် ဖြေရှင်း၍ကားမရစကောင်း၊ အနည်းဆုံးအားဖြင့် စစ်ကိုစစ်နှင့်ထပ်ကာသာ ရှင်းရပေတော့သည်။
၁၉၊၂၀ ရာစုနှစ်များက လူမျိုး၊ဇတ်ပေါင်းစုံသော အိန္ဒိယ၊ အင်အားကြီး၍ ယဉ်ကျေးမှုသမိုင်းရှည်ကြာလှသော စိန့်တိုင်းပြည်။ မည်သို့ဖြေရှင်းထားကြသနည်း ၊ကြည့်နိုင်သိနိုင်သည်။ စိန့်ပြည်ထဲတွင် ကချင်တိုင်းရင်းသားများရှိသည်။ ရှမ်း၊ ၀၊ကိုးကန့်တို့နေသည်။ ထိုင်းလူမျိုးတို့မည်သို့လုပ်ခဲ့သနည်း၊ သူတလူငါတမင်း စစ်ဘုရင်များ၊ ဆာမူရိုင်းများ၏ဂျပန်ပြည်အား တခုတည်းအဖြစ်အဘယ်သို့ စုစည်းတည်ထောင်လိုက်သနည်း။ အမေရိကပြည်ထောင်စုအား အဘယ်သို့ ပြည်ထောင်စုခဲ့သနည်း။

အာဏာသည်သေနတ်ပြောင်းဝမှလာသည်။ လက်နက်ကိုင်ထားသူများ အာဏာရှိနေသမျှ ဒီမိုကရေစီနိုင်ငံတည်ဆောက်၍မရ။
သို့သော် အနာဂတ်တနေ့တွင် စီးပွားရေးတောင့်တင့်၍ငြိမ်းချမ်းသောနိုင်ငံဖြစ်လာသည်နှင့် လူထုစွမ်းအားတို့ဖြင့်အင်အားတောင့်တင်းသော ပြည်ထောင်စုတပ်မတော်ကို တည်ဆောက်ရပေမည်။ ပြည်သူ့ငွေဖြင့် စစ်စရိပ်အသုံးအဆောင် လက်နက်ကောင်းလက်နက်ဆန်းများ ၀ယ်ယူရမည်။ထုတ်လုပ်ရမည်။ လူထု၏ သားသမီးများထဲမှ စစ်သားများကိုလည်း ရယူရမည်။ ထိုတပ်မတော်သည် ပြည်တွင်းတရားဥပဒေစိုးမိုးရေးအတွက်သာမဟုတ် ပြည်တွင်းစစ်မှထွက်လေပြီဖြစ်သဖြင့် ကမ္ဘာ့ လူနှင့်စစ်အင်အားအကြီးဆုံးနိုင်ငံကြီး ၂နိုင်ငံကြားတွင် တိုင်းပြည်ခိုင်ခိုင်မာမာရပ်တည်ရေးအတွက် ဖြစ်ရမည်။ နိုင်ငံသားတိုင်း စစ်မှုမထမ်းမနေရ လုပ်သင့်လုပ်ကြရမည်။

အဆုံးတနေ့တွင် နိုင်ငံရေးသမားများကအုပ်ချုပ်ထားသော ပြည်ထောင်စုတပ်မတော်အား မြင်ရလိုပါ၏။
သိပ်မဝေးတော့ဟုထင်သည်။ သို့သော် ဒီမိုး၊ဒီလေ၊ဒီရေနှင့် ဤခရီးကားနီးလည်းမနီး။ လုပ်ရင်းကိုင်ရင်းနှင့်မိုးကြီးလည်းချုပ်မသွားစေချင်။

kai

About kai

Kai has written 858 post in this Website..

Editor - The Myanmar Gazette || First Amendment – Religion and Expression - Congress shall make no law respecting an establishment of religion, or prohibiting the free exercise thereof; or abridging the freedom of speech, or of the press; or the right of the people peaceably to assemble, and to petition the Government for a redress of grievances.