ရွာထဲ ခဏ၀င်ကြည့်ရင်း တစ်ခုခုရေးခဲ့ချင်စိတ်ပေါက်လို့ပါ ..

ပို့စ်မတင်ဖြစ်တာ တော်တော်တောင်ကြာခဲ့ပြီမို့လို့ ..

ခေါင်းစဉ်တစ်ခု စဉ်းစားလိုက်တယ်

 

အဲဒါကတော့ ….

 

ရွေးချယ်ဖို့ အခွင့်အရေး ရခဲ့မည်ဆိုလျှင် ….

 

ကျွန်မတို့တွေအားလုံး ရွေးချယ်မှုတွေတစ်ခုပြီးတစ်ခုလုပ်ရင်း နေ့ရက်တိုင်းကို ဖြတ်သန်းနေကြရပါတယ်။ ရွေးတဲ့နေရာမှာလဲ ရွေးလို့ရရင်ရသလောက်ရွေးတတ်ကြတယ်။ တကယ်လို့များ မနက်စာကို ပဲပြုတ်ထမင်းကြော်တစ်မျိုးပဲ ရမယ်ဆိုလျှင် ကျွန်မတို့တွေ အဲဒါကိုပဲ စိတ်လျော့ပြီး စားလိုက်ကြမှာပါ။ နောက်တစ်မျိုးထပ်တိုးရရင်ဆိုရင် နှစ်မျိုးထဲက တစ်မျိုးကို ရွေးကြရလိမ့်မယ်။ သုံးမျိုးဆိုရင် သုံးမျိုးထဲကတစ်မျိုးကို ရွေးကြရပါတယ်။ ရွေးချယ်ခွင့်များလေလေ ရွေးချယ်ရခက်လေလေပါပဲ။ အဲလိုအခြေအနေမှာဆိုရင်တော့ မှန်ကန်စွာရွေးချယ်တတ်ဖို့ အရေးကြီးလာပါပြီ။ အစားအသောက်တင်မက အ၀တ်အထည်မှာလဲ အတူတူပါပဲ။ ရွေးချယ်မှုတွေနဲ့ အသားကျလို့နေပါတယ်။ ဘ၀အတွက် အရေးကြီးတဲ့ ရွေးချယ်မှုတွေမှာတော့ သေသေချာချာ အကြိမ်ကြိမ် စဉ်းစားဆုံးဖြတ်ဖို့တော့ လိုပါလိမ့်မယ်။

 

နိဒါန်းရေးတာတင်ရှည်နေလို့ ဘာလဲလို့ အတွေးမခေါင်သွားကြပါနဲ့။ တကယ်ရေးချင်တာက ပြီးခဲ့တဲ့ စနေနေ့က သန်လျင်ကို သွားတဲ့အဖြစ်အပျက်နဲ့ အတွေးတစ်ချုိ့ကို ရေးပြချင်လို့ပါ။

 

ဒီလိုပါ ..

ကျွန်မက အပါတ်တိုင်းလိုလို စနေနေ့မနက်တိုင်းမှာ သန်လျင်ကို ပြန်လေ့ရှိပါတယ်။ ပြန်တဲ့အခါမှာလဲ နည်းလမ်းမျိုးစုံကို သုံးပါတယ်။ ဘာကြောင့်လဲဆိုတော့ အခြေအနေ အချိန်အခါကိုလိုက်ပြီး ရွေးချယ်မှု အမျိုးမျိုး လုပ်ရလို့ပါပဲ။

အများအားဖြင့် တစ်ယောက်အဖော်ပါလျှင် တက်စီကို ရွေးပါတယ်။ တစ်ယောက်ထဲဆိုလျင်တော့ လိုင်းကားကိုသာ ရွေးပါတယ်။ ကျွန်မအဖေက တစ်ယောက်ထဲဆိုလျှင် သူလာကြိုဖို့ ကြိုးစားပေးပါတယ်။ လာမကြိုနိုင်ဘူးဆိုလျှင်တော့ လိုင်းကားကိုသာစီးလာခဲ့ပါတဲ့။ အဲဒါမှ သူစိတ်ချမှာမို့လို့ပါ။

ပြီးခဲ့တဲ့စနေနေ့ကတော့ တစ်ယောက်ထဲလဲဖြစ် အဖေကလဲ လာကြိုမပေးနိုင်တဲ့အခြေအနေမှာ လိုင်းကားကိုသာ ရွေးချယ်လိုက်ရပါတယ်။

 

ပန်းဆိုးတန်းအောက်လမ်းမှာ သန်လျင်သွားမယ့် ကားကြီးတွေ တန်းစီပြီးရပ်နေတာကို မြင်လိုက်တယ်။ ရွေးချယ်မှု စပါပြီ။ အခုထွက်မယ်လို့ အော်နေတဲ့ကားက အမြင်ခပ်စုတ်စုတ်နဲ့ ကားပေါ်မှာလဲ တစ်ယောက်မှ ရှိမနေလို့ ကျွန်မစိတ်ထဲ ဇဝေဇ၀ါ၊ စပါယ်ယာကအော်နေတယ် .. အမတက်ပါတဲ့ နောက်ကားတွေကို ကြည့်မနေနဲ့တဲ့။ သူတို့တွေက လူမရှိရင် ထွက်လို့ရမှာမဟုတ်ဘူးတဲ့။ နောက်ကရပ်ထားတဲ့ကားက အသစ်စက်စက် အဲကွန်းနဲ့။ ရွေးချယ်ရပြီ။ အိပ်ယာထနောက်ကျခဲ့လို့ အခုတောင်နောက်ကျနေပြီဆိုတော့ ဘယ်တော့ထွက်မှန်းမသိတဲ့ အဲကွန်းကားကို စောင့်စီးနေရင် ပိုနောက်ကျသွားနိုင်တယ်။ စုတ်လဲဘာဖြစ်လဲ ခဏပဲစီးရမှာပဲလေလို့တွေးပြီး အရင်တုန်းထွက်မယ့် ကားအစုတ်ပေါ်ကို တက်လိုက်ပါတယ်။

 

ဒုတိယရွေးချယ်မှု လုပ်ရပြန်ပါပြီ။ ကားပေါ်မှာ လူတစ်ယောက်မှ မရှိဘူး။ ထိုင်ခုံက ၅၀ လောက်ရှိတယ်။ ဘယ်မှာထိုင်ရင်ကောင်းမလဲစဉ်းစားရပြီ။ လိုင်းကားပေါ်မှာ ထိုင်ခုံနေရာဆိုတာ ရတဲ့နေရာကို အလုအယက်ထိုင်ခဲ့ရစဉ်က ပြသနာမရှိပဲနဲ့ အခုလို ရွေးရပြီဆိုတော့ ဦးနှောက်ကို အလုပ်ပေးရပြီလေ။ ဒီနေရာမှာ ကျွန်မစဉ်းစားတာက နံပါတ် ၁ က ဘယ်အခြမ်းက နေထိုးမလဲဆိုတာ။ အဲဒါက သွားနေကျမဟုတ်ရင် အလွယ်တကူမသိနိုင်ဘူး။ အရှေ့အနောက် တောင်မြောက် ခွဲခြားတတ်မှဖြစ်မှာ။ ဒါပေမယ့် ကျွန်မ ကားပေါ်တက်တဲ့အချိန်က ၁၁ နာရီခွဲဆိုတော့ ဘယ်အခြမ်းထိုင်ထိုင် နေက ခေါင်းပေါ်ရောက်တော့မှာမို့လို့ နောက်တဆင့် ထပ်ပြီး စဉ်းစားပါတယ်။ ငယ်ငယ်ထဲက ဖေဖေပြောဖူးတာက ဒရိုင်ဘာနောက်ဘက်ခြမ်းက ပိုပြီး လုံခြုံစိတ်ချရတယ်ဆိုတော့ ဒရိုင်ဘာရှိတဲ့ဘက်အခြမ်းကိုပဲ ရွေးလိုက်ပါတယ်။

နံပါတ် ၂ စဉ်းစားတာက ထိုင်ခုံနေရာဆိုတော့ .. ကားတစ်စီးမှာ အကောင်းဆုံးနေရာက ဦးပိုင်းဆိုတော့ ဒရိုင်ဘာ နောက်တည့်တည့်ကခုံက အကောင်းဆုံးဖြစ်နိုင်တယ်။ အဲဒီမှာ ထပ်စဉ်းစားတာက ဘုန်းကြီးး သီလရှင် သက်ကြီးရွယ်အိုလာရင် ဖယ်ပေးနေရမှာမို့လို့ ၃ တန်းလောက်အထိ လွှတ်ထားပေးပြီး ၄ တန်းမြောက်မှာ ၀င်ထိုင်လိုက်ခြင်းဖြင့် ကျွန်မရဲ့ ရွေးချယ်မှုကို ပြုလုပ်ပြီးစီးခဲ့ပါတယ်။

 

ဒါပေမယ့် တစ်ယောက်ထဲ ခပ်ပျင်းပျင်းရှိတာနဲ့ ပါတ်ဝန်းကျင်ကို စပ်စုရင်း တခြားသူတွေရော ဘယ်လိုနေရာတွေကို ရွေးတတ်မလဲလို့ စောင့်ကြည့်နေခဲ့ပါတယ်။ ဒုတိယတက်လာတာက ကောင်မလေးတစ်ယောက် ဖုန်းဆက်ရင်းဝင်လာတယ်။ သူ့ကြည့်ရတာတော့ တကူးတကရွေးချယ်ပုံမရပဲ နောက်ဘက်ကျကျတစ်ခုံမှာ ၀င်ထိုင်လိုက်ပါတယ်။ နောက်ထပ် တက်လာတာက အဒေါ်ကြီးတစ်ယောက် အထုတ်အပိုးတွေနဲ့၊ သူကတော့ အပေါက်ဝကြီးနဲ့နီးတဲ့နေရာတစ်ခုကိုရွေးချယ်ပါတယ်။ အဆင်းကျရင် သူ့အထုတ်တွေ အဆင်ပြေဖို့ သူရွေးချယ်တဲ့နေရာပါ။ ခဏနေတော့ အသက် ၃၀ ၀န်းကျင် လင်မယားနှစ်ယောက်တက်လာတယ်။ မိန်းမက ဟိုကြည့်ဒီကြည့်နဲ့ နေရာတွေကြည့်နေတုန်းမှာ ယောက်ျားက ဒရိုင်ဘာနောက်တည့်တည့်က နေရာကို ရွေးလိုက်ပါတယ်။

ပြီးတော့ ဘက်စ်ကားလဲ ထွက်လာတယ်။ လမ်းမှာလူမရှိလို့ တစ်စီးလုံးပေါင်းတောင် ၁၀ ယောက်မပြည့်ပဲနဲ့ ထွက်လာခဲ့ပါတယ်။

 

ဘာရယ်မဟုတ်ပါဘူး။ ကျွန်မလဲ ဟိုကြည့်ဒီကြည့်နဲ့ ကြည့်နေတုန်း .. ကျွန်မ မစီးခဲ့ပဲ ထားခဲ့တဲ့ အဲကွန်းကားကြီးက ကျွန်မတို့ ကားကို ကျော်တက်သွားတယ်။ အဲဒီတော့မှ .. ဟင် ဆိုပြီး ပထမရွေးချယ်မှုအတွက် အနည်းငယ်နောင်တရမိတယ်။ ဒီလိုမှန်းသိ နောက်ကားကိုစောင့်စီးပါတယ်လို့ပေါ့။

 

အဲလိုပါပဲ .. ဟိုတွေးဒီတွေးဆက်တွေးရင်းနဲ့ အခုရာသီက ၀ါဆိုလ .. နောက်ပြီးနေ့လည် ၁၂ မထိုးသေး .. ဘယ်ဘုန်းကြီး မယ်သီလရှင်က ကားစီးမှာလဲဆိုတဲ့အတွေး ထပ်ဝင်လာပါတယ်။ စစဉ်းစားတုန်းက အဲဒီအချက်သာ ထည့်သွင့်စဉ်းစားမိခဲ့ရင် ဒရိုင်ဘာနောက်က ခုံကို ရွေးသင့်တာပေါ့လို့ နောင်တအသေးနောက်တစ်ခု ပေါ်လာတယ်။ ဒရိုင်ဘာအနောက်ကခုံက ကျယ်ပါတယ်။ ရှေ့မြင်ကွင်းကလဲ ရှင်းတယ်လေ။

 

အဲလိုနဲ့ ကိုယ့်စိတ်နဲ့ကိုယ် မအားလပ်စွာတွေးရင်းနဲ့ ရွေးချယ်မှုတွေနဲ့ ပတ်သက်ပြီး စဉ်းစားတဲ့အခါ လိုအပ်တဲ့အချက်တွေကို အချိန်တစ်နာရီလောက်စီးရတဲ့ကားပေါ်မှာ စဉ်းစားရင်း လိုက်လာပါခဲ့ပါတယ်။

 

ဘက်စ်ကားနေရာလေးတစ်ခုအတွက် ရွေးမယ်ဆိုရင်တောင်မှ အချက်တွေအများကြီး ထည့်သွင်းစဉ်းစားဖို့လိုတယ်ဆိုရင် တခြားဘ၀အတွက် အရေးကြီးတဲ့ ဆုံးဖြတ်ချက်တွေအတွက်ဆိုရင်တော့ …

 

ဥာဏ်ပညာနဲ့ ကျယ်ကျယ်ပြန့်ပြန့် တွေးခေါ်တတ်ဖို့ အရမ်းအရေးကြီးကြောင်း အတွေးပေါ်လာလို့ ..

 

ရွာထဲရောက်တုန်း အမှတ်တရ ရေးလိုက်ရပါကြောင်း …..

weiwei

About weiwei

weiwei has written 365 post in this Website..

မင်္ဂလာပါ ....