“ဒေါသတကြီး တရားပြရှာတဲ့ ကိုယ်တော်”
—————————————————————————————————————————————————-

ရုံးပိတ်ရက်မို့ ကိုယ်ရေးကိုယ်တာ ကိစ္စတစ်ခုကြောင့် ရန်ကုန်မြို့အစွန်ဘက်ကို ဘတ်စ် စီးပြီး ကိုယ် … ထွက်လာခဲ့တယ်။
ရန်ကုန်မြို့တွင်း ဘတ်စ်တို့ ထုံးစံအတိုင်း ကားကစုတ် လမ်းကပျက်တော့…အိပဲ့အိပဲ့။ အဲ့ဒီအခြေအနေကြားမှာကိုက ဘတ်စ်မောင်းသူတို့ ထုံးစံအတိုင်း
အတင်းတိုးဝင်၊ အတင်းထိုးထွက် ကျော်လိုက်၊ ခွလိုက် ဆဲလိုက်၊ ဆိုလိုက်… မောင်းနှင်လာရာနောက်…ကိုယ်လည်း ကိုယ့်ထုံးစံအတိုင်း ဟိုဒီ ကြည့်ရင်း
လိုက်ပါလာခဲ့တယ်။

မင်္ဂလာဒုံအကျော်….ထောက်ကြန့်နား ရောက်ခါနီးကျတော့ မှတ်တိုင်မဟုတ်တဲ့တစ်နေရာမှာ ထိုးရပ်လိုက်တယ်။ ဆင်းမယ့်သူ မရှိဘဲ ဘာလို့
ရပ်ပါလိမ့်လို့… တွေးပြီး အကဲခတ်လိုက်တော့….

ကိုယ် စီးလာတဲ့ကားရဲ့ အရှေ့မှာ ဘတ်စ်တစ်စီး ရပ်ထားတယ်။ အဲ့ကားပေါ်ကနေ ခရီးသွားလာသူတွေ…ပြုံတိုးပြီး..ဆင်းလာကြတယ်။ အော်…
ရှေ့ကားက ပျက်သွားလို့ပေါ့လေ။ နှစ်စီးကို တစ်စီးတည်းမှာ ပေါင်းရတော့ အစက ချောင်နေတဲ့ ကိုယ်စီးလာတဲ့ ဘတ်စ်က ချက်ချင်း ကျပ်တောက်သွားရော
ဆိုပါတော့ ။ ပျက်သွားတဲ့ ကားပေါ်ကနေ… ကိုယ် စီးလာတဲ့ ကားပေါ်ကို တက်လာတဲ့သူတွေက…ကားအပြောင်းအလဲ လုပ်ရလို့ စိတ်ပျက် ညည်းညူနေကြလေရဲ့။
ပူညံ ပူညံ လုပ်ပြီး တက်လာတဲ့ ခရီးသည်တွေကို ဒီဘက်ကားပေါ် အကုန် ရောက်သွားချိန်မှာတော့ စောစောက ပျက်လို့ ရပ်တယ်ဆိုတဲ့ကားက… ဝူးခနဲ မောင်းထွက်ပြီး…
လာရာလမ်း မြို့ထဲဘက် ပြန်လှည့်သွားတယ်။ ဟောဗျာ… ဒါက ဘာသဘောပါလိမ့်။

ကားပျက်တယ်လို့ အကြောင်းပြပြီး ပါလာတဲ့ ခရီးသည်တွေကို နောက်ကားဆီ ပို့ပစ်ပြီး မြို့ထဲဘက် ပြန်လှည့် မောင်းသွားတာဆိုတော့…
ဂိတ်ဆုံးထိ မြို့ပြင်ဘက်ကို မမောင်းဘဲ…လမ်းတဝက်တင် လှည့်သွားတာဆိုတော့ ဒါ ရိုးသားမှုတော့ မဟုတ်တော့ဘူး။ မြို့ထဲဘက် အသွားက လူပို ရတယ်။
မြို့ပြင်ဘက်ကို လူနည်းနည်းလေး တင်ပြီး အချိန်ကုန်ခံ ထွက်မနေတော့ဘူးပေါ့လေ။ အဲ့လို လုပ်ကွက်တွေဟာ BRT လို ယာဉ်လိုင်းတွေချည်း ဖြစ်သွားရင်တော့
ပျောက်ကွယ်သွားမယ် ထင်ပါရဲ့။

ဒီလို ဘတ်စ်လိုင်းတွေရဲ့ လုပ်ကွက်တွေအကြောင်း တွေးနေတာကို… ဆန့်တငံ့ငံ့ဖြစ်ပြီး အတွေးစ ပျက်ပြားသွားစေတဲ့ အသံတစ်သံက…
ခရီးသည်တွေကြားကနေ တိုးထွက်လာတယ်။ “ငါတို့က ဘယ်နေရာမှာ ထိုင်ရတော့မှာလဲ။ ဟိုကားမှာတုန်းက နေရာရတယ်”ဆိုတဲ့ အသံ။

ပြောလိုက်တဲ့သူက… “လူ”မဟုတ်ဘူး။ အဲ… “လူ” မဟုတ်ဘူးဆိုတော့… တခြားတော့ မဟုတ်… လူလို အဝတ်တွေ မဝတ်တဲ့ နီညိုရောင် သင်္ကန်းခြုံ
ဘုန်းကြီးတစ်ပါး။ တက်လာတဲ့အထဲမှာ ဘုန်းကြီး နှစ်ပါး ပါလာတယ်။ နှစ်ပါးထဲက တစ်ပါးဟာ…ဘာအသံမှ မထွက်ဘဲ တည်တည်ငြိမ်ငြိမ်ပဲ…. ရှေ့နားကို တိုးသွားပြီး
သင့်တော်ရာ နေရာမှာ ရပ်နေတယ်။ အနောက်က ပါလာတဲ့တစ်ပါးကတော့… နေရာ ရဖို့အရေး လေသံ ခပ်မာမာနဲ့ တောင်းဆိုတယ်။

ရှေ့နားဆီမှာ ထိုင်နေတဲ့ အမျိုးသား နှစ်ယောက်က ထိုင်နေရာကနေ ထပေးတယ်။ ဘုန်းကြီး နှစ်ပါးက ဝင်ထိုင်တယ်။ အဲဒီလို ထိုင်ပြီးတော့မှပဲ… ကိုယ့်ကို
ပိုအံ့သြသွားစေတဲ့ စကားတစ်ခွန်းကို ဘုန်းကြီးတစ်ပါးက ဆိုလေရဲ့။

အဲဒီစကားကိုလည်း နေရာရဖို့အရေး ပြောတဲ့ ဘုန်းကြီးပဲ…ပြောတာ။

“ဘတ်စ်ကားတွေ စီးရတာလည်း ပျက်ရတာနဲ့ ဘာနဲ့… အဲဒီ ပျက်တဲ့ကား မီးထလောင်ရမှာ” တဲ့။

ဗုဒ္ဓေါ…. ။ လူတွေက ဒေါသတကြီး ပြောတာဆိုရင်… ဒီလောက် အံ့သြမိမယ် မထင်ဘူး။ အခုဟာက… သင်္ကန်းခြုံထားတဲ့ တရား ဘာဝနာလောကသား
ဘုန်းကြီးတစ်ပါးက…ပြောတာ။ ပျက်ယောင်ဆောင်ပြီး ပြန်လှည့်သွားတဲ့ ကားကို မီးလောင်စေချင်သေးတဲ့ပုံ။

ဘုန်းကြီးကို သေချာ ကြည့်မိတယ်။ ကိုယ် ထိုင်နေတဲ့နေရာရဲ့ ညာဘက်ခြမ်း အရှေ့နားမှာဆိုတော့ ဘေးတိုက်အနေနဲ့ ခပ်စောင်းစောင်းလေး မြင်ရတယ်။
ဘုန်းကြီးက အသက်(“သက်တော်”လို့ ခေါ်ရမယ်ပေါ့လေ) ၅၀ နားမှာပါပဲ။ ဘုန်းကြီး အတုလည်း မဟုတ်လောက်ဘူး။ သင်္ကန်းတွေ ဘာတွေ ကြည့်တာတော့ ….
သပ်သပ်ရပ်ရပ် ပါပဲ။ သင်္ကန်းကို သပ်သပ်ရပ်ရပ် ခြုံတတ်ပေမဲ့ ကံသုံးပါးကိုတော့ သပ်သပ်ရပ်ရပ် ဖြစ်အောင် မနေတတ်တဲ့ပုံ။ လက်မှာလည်း အင်းကွက်လို ဟိုတစ်ကွက်၊
ဒီတစ်ကွက် ထိုးထားတဲ့ ဆေးမှင်ကြောင်ကွက်တွေနဲ့။ ကြည့်ရတာ … ဘုန်းကြီး အတုတော့လည်း မဟုတ်လောက်ဘူး။

ဒါပေမယ့်… သာမန်လူတွေလိုပဲ… လောဘ(ကားကို သက်တောင့်သက်သာနဲ့ အချိန်းအပြောင်းမလုပ်ဘဲ စီးသွားချင်တာ)၊
ဒေါသ(ကားအချိန်းအပြောင်း လုပ်ရလို့…ဒေါနဲ့မောနဲ့ အဲ့ကား မီးလောင်သွားရမှာ…လို့ ရေရွတ်တာ)၊
မောဟ(ဘုရား သားတော်တစ်ပါးအနေနဲ့ ပြောသင့် မပြောသင့် ခွဲခြား မသိတာ)တွေနဲ့ ….

လူလိုပဲ…ဆိုပေမဲ့.. သာမန်လူတွေထဲက တော်တော်များများတောင် ဘာမှ ပြောမနေဘဲ… သည်းခံလိုက်လို့ရတဲ့ စိတ်ပျက်စရာ ဖြစ်လေ့ဖြစ်ထ ကိစ္စလေးကို
သူက ဒေါသဖြစ်ပြီး ထ,ပြောတယ်ဆိုတော့… လူ အစစ်လို့ ပြောရအောင်လည်း ခက်တယ်။ “ဘုန်းကြီးအတု မဟုတ်သော လူအတု” လို့… သတ်မှတ်ရမယ်ထင်တယ်။

အဲ့ဒီကား …မီးထလောင်ရမှာ… လို့… ပြောလိုက်တဲ့ ဘုန်းကြီးကို သေချာကြည့်ရင်း တွေးမိတာက … လောလောဆယ်… မီးထလောင်နေတာက အဲဒီ
ဘုန်းကြီးကိုယ်တိုင်ပါပဲလား လို့ သုံးသပ်မိတယ်။ အော်…. ဒေါသမီး…. ဒေါသမီး…

ဒေါသမီးများ တောက်လောင်ရင်….ဘေးကနေ ကြည့်ရတာတောင် အမြင် မသင့်ပါလား….လို့… တရားကျမိပါရဲ့။

အောင်မာ…. ဒီဘုန်းကြီးက… သူ့ကိုကြည့်ပြီး တရားကျအောင် တရားတော့ ပြနိုင်သားပေပဲ…။ သာဓု…။
————————————————————————————————————————————————-
သင့်အေးရိပ်
အောက်တိုဘာလ ၂၃ ၊ ၂၀၁၆

 

ပိုစ့်နဲ့တော့ တိုက်ရိုက်မဆိုင်တဲ့ပုံပါ။ အခုက ဘုန်းဘုန်းတွေကို ဘုံကထိန်ဆိုပြီး လှူဖွယ်တွေ ပေးကြတဲ့ရာသီ။ ဒါက ဘုံကထိန်ပွဲ ဦးရွှေရိုးနဲ့ဒေါ်မိုး အက။

ပိုစ့်နဲ့တော့ တိုက်ရိုက်မဆိုင်တဲ့ပုံပါ။ အခုက ဘုန်းဘုန်းတွေကို ဘုံကထိန်ဆိုပြီး လှူဖွယ်တွေ ပေးကြတဲ့ရာသီ။ ဒါက ဘုံကထိန်ပွဲ ဦးရွှေရိုးနဲ့ဒေါ်မိုး အက။

 

 

 

 

Thint Aye Yeik

About Thint Aye Yeik

Thint Aye Yeik has written 599 post in this Website..

Maung Thura @ သင့်အေးရိပ် CJ #5222013