ဗုဒ္ဓ မွေးတာ နေတာ သေတာ အိန္ဒိယ။ နေစဉ်ကာလမှာ ဟောကြားထားခဲ့တဲ့ ဓမ္မ ပြန့်နေတာက ပြည်မြန်မာ။ တိုင်းတပါးကိုရောက်လာတဲ့ ဗုဒ္ဓဘုရားရဲ့ ဓမ္မ ဟာ အခု“ကြက်မ” ဖြစ်နေရဲ့။ ဗန်းမော်ပြောဘူးတယ်။ “ဟေ့-ပါတိမောက်ကို တော့ မရဘူးကွ။ သတ္တိရှိရင် ရေငုံ့ပြိုင်မယ်” ။ ကြားဖူးသေးရဲ့ ပုစ္ဆကတွေရဲ့ မေး ခွန်းခက်ပုံကို ဘုရားလက်ဝါးမှာ စာကပ်တယ်။ “ဒီမေးခွန်း ငါဘုရား တောင် မဖြေတတ်ဘူးကွ”တဲ့။ ဒါတွေက သာမန်ပါ။

ယခု မြန်မာပြည်မှာ ဘုရားထက် တော်တဲ့ တတ်တဲ့ သူတွေပုံလို့။ ဥပမာ-အကြီးအကဲကိုယ်တော်ကြီးတို့လို အုပ်စုမျိုးနဲ့ အဓမ္မဝါဒ ဘာဝါဒ ညာဝါဒ ဆိုပြီး အဆုံးအဖြတ်ပေးမယ်ဆိုတဲ့ အုပ်စုမျိုးပေါ့။ ရှေးကလည်း ဒီလို တွေအုပ်စုဖွဲ့ပြီး ဟိုဘုန်းကြီး အဓမ္မလုပ် ဒီရိပ်သာတရားစွဲနဲ့ ဘုရားထက်တတ် တဲ့ လူကြီးတွေ ၊ ဘုန်းကြီးတွေ ၊ အဖွဲ့အစည်းတွေပေါ့။

သူတို့တွေက သူများဟာတွေကြတော့ အဓမ္မလုပ်ပြကြတယ်။ တ ကယ့် ဘုရားရဲ့ ဓမ္မကို ထုတ်ပြကြစမ်းဆိုတော့ ထုတ်ပြီးမပြတတ်ကြဘူး။ စာ အုပ်ကြီး ထိုးထိုးပြကြတယ်။ ကြားဖူးသေးရဲ့ တိပိဋကလောင်းလျာတွေကို စာ ချပေးနေ တဲ့ ဘုန်းတော်ကြီးတစ်ပါးကို အကြီးအကဲကိုယ်တော်ကြီးတို့ရဲ့ အဖွဲ့ မှာ မထည့်ချင်တော့ ဝိနည်းမတတ်ဘူး ဘာညာ ဆိုပြီးလုပ်တယ်။ ဟို ကိုယ် တော်ကလည်း ဝိနည်းကျမ်းစာအုပ်တွေကို ထမ်းပြီးတော့ အကြီးအကဲ ကိုယ် တော်ကြီးတို့ရဲ့ အစည်းအဝေးပွဲကို တက်လာပြီး “ဟောဒီ ဝိနည်းပိဋကတ် ကျမ်းတွေထက် မင်းတို့ ပိုပြီးတတ်တယ်ထင်ရင် သိတယ်ထင်ရင် မင်းတို့ ကြိုက်သလိုသာလုပ်တော့ (——-)ဆိုတဲ့ ငါက ဒီနေရာအတွက်မက်လို့ လုပ်နေတယ် မမှတ်နဲ့“ဝုန်း” ဆို စာအုပ်တွေ ပစ်ပြီး အခန်းထဲက ထွက်ခွာသွားလေရဲ့။

ရှေးကဆုံးဖြတ်ခဲ့တဲ့ အဓမ္မဝါဒနဲ့ နောက်ကပေါ်ပေါက်လာတဲ့ အဓမ္မ ဝါဒကိုချေပြပြီး ဓမ္မလုပ်ပြတယ်။ ဝါဒတစ်ခုကို အဓမ္မဝါဒဆိုပြီး နှိပ်ကွပ်ပြီးသား  အဓမ္မဝါဒရဲ့ ဝါဒနဲ့ နှိပ်ကွပ်လို နှိပ်ကွပ်။ တရားဌာနတိုင်းကို တရားစွဲရဲ့လား စွဲရဲ့ အဓမ္မလုပ်ရဲ့လားလုပ်ရဲ့။

ဘုရားဝါဒကို လိုက်နေကြတဲ့သူတွေက ဘယ်သူဟာ ဘုရားလဲ မေးရမည့်ပုံ။ နောက်လာနောက်သားတွေကို လှည့်မကြည့်ပဲ ကြွားချင် ဝါချင် ထင်ပေါ်ချင်တဲ့ စိတ်တွေကြောင့် ဗုဒ္ဓရဲ့ဝါဒဟာ ကြာနီကန်ဆရာတော်ဟောတဲ့ အာဠာဝကကြီးပြောသလို “ဘုရားသား(ဘုရား၏ အသား)အစိမ်းစားချင် တယ်” ဆိုတာမျိုးပေါ့။

ကျွန်တော်လဲ ဗုဒ္ဓဘာသာဝင်ပါပဲ။ ဘယ်တရားဟာ ဗုဒ္ဓတရား ဗုဒ္ဓဝါဒပါလို့ အပ်ဖျားနဲ့ထောက်ရင်တောင် ထောက်စရာ နေရာမရှိဘူး။ အကုန်လုံး အဓမ္မ အလုပ်ခံနေရတယ်။ တရားဌာန တခုသွားပြီး လေ့လာနေ တုန်း ရှိသေး အဓမ္မဝါဒ ဆိုတဲ့ ဝိနိစ္ဆယကထွက်လာပြီ။ ဘယ်လိုတုန်း ဟ အကြီးအကဲကိုယ်တော်ကြီးတို့ ။ ကိုယ်တော်ကြီးတို့ လုပ်ရပ်ကို အဟုတ်မှတ် လို့ နားစွင့်မိတယ်။ အကြီးအကဲကိုယ်တော်ကြီးတို့က ပါးဖြဲနံဖြဲစားပြီး အာဏာကို ဆုပ်ကိုင်လျက် လုပ်ချင်တိုင်းလုပ်နေကြတာကိုး။

ဘာသာဝင်ဖြစ်ကြတဲ့ ပြည်သူတွေကလည်း ကိုယ့်လုပ်ငန်းနဲ့ ကိုယ်မို့ လှည့်မကြည့်နိုင်ကြ။ ထိုသူတွေက်ို လျစ်လျူရှုပြီး ထင်တိုင်းကြဲနေကြတဲ့ အကြီးအကဲကိုယ်တော်ကြီးတို့ရဲ့ ဝိနိစ္ဆယအဖွဲ့တွေ။ ဘာသာဝင်တွေရဲ့ မျိုးဆက်တွေကို တိုးတက်တဲ့ အသိဥာဏ်တွေနဲ့ ရှင်သန်နေစေခဲ့ဖို့ မရည်ရွယ်ဲ ကိုယ်တော်ကြီးတို့ ဗိုက်ဝဖို့လောက်ပဲ ခွတုပ်နေကြတာကိုး။

စွပ်စွဲနေတာ ချောက်ချနေတာ မဟုတ်ပါဘူး။ ကိုယ်တော်ကြီးတို့ ကိုယ်တိုင်က တကိုယ်ကောင်းဆန်တဲ့ လုပ်ရပ်တွေလုပ်နေကြတာကို တခြား သူတွေ မသိဘူး မထင်လေနဲ့။ ကိုယ်တော်ကြီးတို့ လက်ထဲမှာ အာဏာဆိုတဲ့ တပဲခြောက်ပြားတန် မိစ္ဆာစက်လက်နက်ကြီး ရှိနေလို့ မချစ်သော်လည်း အောင့်ကာနမ်း ။ မနမ်းသော်လည်း ပင့်သက်ရှု လုပ်နေရတာ။ မျောက်က ကဖို့ လက်ခုပ်တီးပေးတာကို အဟုတ်မှတ်မနေနဲ့။ ခါးတောင်းကျိုက်တခြား ဟိုဒင်း တခြား ဆိုတာလို တလွဲဆံပင်ကောင်းမနေ ကြနဲ့တော့။

ကိုယ်တော်ကြီတို့ရဲ့ လုပ်ရပ်တွေကို ပြန်လည်သုံးသပ်နိုင်အောင် လို့ပါ။ ဒီအချိန်သာ ဗုဒ္ဓဂေါတမကို CLONE  အဖြစ်ဖန်တီးပြီး တရားလာဟော ရင်တောင် ပါဠိတော် အဋ္ဌကထာ ဋီကာနဲ့ မညီဘူးဆိုပြီး အဓမ္မလုပ်မည့်သူ တွေ။ ဘုရားခမျာ ဝမ်းနည်းပက်လက်နဲ့ မျက်ရည်သုတ်ပြီး လှည့်ပြန်သွားရရဲ့။ ဒီလို ကမောက်ကမ နိုင်တဲ့ လုပ်ရပ်တွေကြောင့် ကျွန်တော် ဘုရားတမိတာ။

ဒီကြားထဲ ဒီနေ့ခေတ် သံဃာတွေရဲ့ ဂုဏ်ရည်အသစ်တခု တိုးပြီဆိုပြီး ဒကာတစ်ယောက်က ကဗျာရေးပြီး ကပ်လေရဲ့။ အဲဒီ ကဗျာကို ကျွန်တော့် မိတ်ဆွေ ဘုန်းကြီးတပါးဆီကရလို့ စိတ်အချဉ်ပေါက်တာနဲ့ ဆန့်ကျင်ပြီး ကဗျာရေးမိရဲ့။ တပည့်ဖြစ်တဲ့ သံဃာတော်တွေကို အပြစ်မတင်ကြပါနဲ့။ ရှေ့ကဆရာတော်တွေ အသုံးမကျလို့ ဖြစ်ကြရတာပဲ။ မြန်မာပြည်မှာ ရှိတဲ့ ဗုဒ္ဓသာသနာဟာ အဓမ္မတွေနဲ့ ဗွက်ပေါက်နေပြီ။ ဓမ္မကို ဘယ်မှာရှာရမယ် တောင် မသိသလောက်ဖြစ်နေပြီ။ ဗုဒ္ဓရဲ့ အဆုံးအမကို လိုက်နာကြသူတွေက လည်း ခပ်အအ ခပ်ချာချာ ဘုန်းကြီးတွေ ဆရာတော်တွေ မဟုတ်ကြပါဘူး။ သူတို့လည်း ဗုဒ္ဓပိဋကတ်ကို သူတို့သင်ကြားတတ်မြောက်ခဲ့တဲ့ အသိအမြင် တွေနဲ့ပဲ ရှုမြင်သုံးသပ်ပြီး ကျင့်ကြံကြလို့ ရရှိလာတဲ့ တရားကို လူတွေငြိမ်းပါ စေဆိုတဲ့ စေတနာနဲ့ ဟောကြ ပြောကြ ရေးသားကြတာပါပဲ။

ဒါတွေကိုလိုက်ပြီး ကိုယ်နဲ့မတူ ကိုယ့်ရန်သူလုပ်ပြီး အဓမ္မလုပ်ကြ တော့ ရိပ်သာချင်း မတူညီတဲ့ ယောဂီတွေ လမ်းတွေ့ရင်တောင် မင်း(ညည်း) တို့တရားက အဓမ္မလို့ အပြောခံထားရတာ တို့တရားကမှ ဘာညာဘာညာ ဆိုပြီး ကွဲပြဲ စကားများကြရော။ ဒါနဲ့ပဲ သားသမီး ရန်ဖြစ်တော့ မိဘဝင်ပါရတဲ့ သဘောမျိုးဖြစ်ပြီး တရားပြဘုန်းကြီးတွေပါ ဝင်ရှင်းရတော့ ရိပ်သာဘုန်းကြီး တွေချင်း ခိုက်ရန်ဖြစ် အငြင်းပွားပြီး အချင်းများရတဲ့ အခြေအနေ ရောက်ခဲ့ကြ ပြီ။

ဒါတွေကလည်း မပြေမလည်နဲ့ အခုထက်ထိ ရှိနေတုန်း။ တရားပလ္လင် ပေါ်မှာ ပြောလိုက်ရင်တော့ မိတ်ကြီးဆွေကြီးပဲ။ (သားအဖလားမှတ်ရမတတ်)။ အပြင်လဲရောက်ရောပါးစပ်သနတယ်ဖြစ်ရော။(ထွီ)။အဓမ္မလို့ ဆုံးဖြတ် သူတွေကို တကယ်တော့ သံဃာသင်း ခွဲကြသူတွေလို့ ဝိုင်းပြီး သမုတ်သင့်နေပြီ။ ဒါကြောင့် ကဗျာတစ်ပုဒ်နဲ့ ညည်းပါ ရစေတော့။

                 ပိန်ချုံးသာသနာ ကွယ်ပါစေ

ရဟန်းဖြစ်ကြ ၊ ဒီလောကမယ် —–

စားသောက်အိပ်နေ ၊ အလုပ်တွေနဲ့

အနေလည်းဆိုး ၊ အသေဆိုး၏ ။

အမျိုးဘာသာ ၊ သာသနာအတွက် ၊

ဘာအတွက်မျှ ၊ အချက်ကျကျ ၊ မလုပ်ကြဘူး ။

ဒုက္ခဆိပ်သီး ၊ အိတ်ကြီးကြီးနဲ့

အပြီးဝေငှ ၊ စားစေကြ၏ ။

ကိုယ်ကရှုပ်ပွေ ၊ ဒုက္ခတွေနဲ့

ပြည့်နေလျက်က ၊ သိကြလေဟန်

ပလ္လင်ပျံ၌ ၊ သင်, အံ, ကျက်ရ

စာဓမ္မဟော ၊ ရဟန်းပေါကို

အသောမသတ် ၊ ဦးညွတ်လတ်သော်

အတတ်ဗလာ ၊ ဥာဏ်ဗလာကြောင့်

ဒကာ လည်းရှုံး ၊ ရဟန်းရှုံး၏ ။

ပိန်ချုံးသာသနာ ၊ ပြည်မြန်မာ၌ ၊ မြန်စွာကွယ်ပျောက်ပါစေသော်။

About lionking

has written 8 post in this Website..