ဒီတစ်ခေါက်တော့ ကျွန်မအဒေါ်ကြုံခဲ့တဲ့အကြောင်းလေး ဖောက်သည်ချတာပါ
တနေ့ကမှ ဈေးထဲသွားရင်းတွေ့တာတဲ့
ဖြစ်ပုံက ဒီလို………….။
————————————————————————
ဈေးနားတစ်နေရာမှာ လူတွေစုအုံနေကြတယ်၊
ဘာလဲဆိုတော့ တွေ့လိုက်တာက လူအုပ်အလယ်မှာ လူနှစ်ယောက်၊ ပခြုပ်တစ်လုံး
အထဲမှာမြွေလည်း ရှိတယ်ပြောတယ်
အဲဒီလူနှစ်ယောက်မှာ တစ်ယောက်ကဆရာ၊ တစ်ယောက်ကတပည့်
ဆရာလုပ်သူက စတစ်ကော်လံနဲ့ ယောပုဆိုးနဲ့
တပည့်က ဆံရှည်ကို နောက်စုစီးထားတယ်
ဒီလိုနဲ့ ပရိသတ်ထဲက ကောင်လေးတစ်ယောက်ကိုခေါ်တယ်
အဆောင်ဆိုတာလေးပေးပြီး ပါးစပ်ထဲငုံခိုင်းတယ်
ပြီးတော့ ဒီအဆောင်လေးငုံရင် စီးပွားတက်မယ်၊
ဘာပြုညာပြု စဖောတယ်၊ ကိုယ့်ကိုမကြိုက်တဲ့မိန်းကလေးဆိုရင် ကိုယ့်ရှေ့တောင်ခြေစုံလာရပ်မယ်
ပီယဆေးအနေနဲ့လည်း စွမ်းသတဲ့
ဒါနဲ့ပဲ ဘယ်သူလိုချင်လဲလို့မေးတယ်၊ အတင်းမတိုက်တွန်းပါဘူးတဲ့ ဒါလည်းပြောတယ်
ပရိသတ်ထဲက လိုချင်သူတွေက တောင်းကြတယ်
အဲဒီမှာ တပည့်လုပ်သူက “ဆရာ၊ လက်ဖွဲ့က သိပ်မကျန်တော့ဘူး”
“ဆရာ ကုန်တော့မယ်ဗျ”
ဆရာလုပ်သူကလည်း “မင်းကလည်း ကိစ္စမရှိဘူး၊ အသာနေစမ်းပါ”တဲ့
ပရိသတ်ကလည်း မရလိုက်မှာစိုးလို့ အလုအယက်
ဆရာလုပ်သူက စည်းဝိုင်းတစ်ခု ၀ိုင်းလိုက်တယ်
ဘာလုပ်မှာလဲလို့ ပရိသတ်ကတော့ စိတ်ဝင်စားလို့
“ကဲ ကဲ၊ အားလုံးအဆောင်လက်ဖွဲ့တွေရပြီးပြီဆိုတော့ ယူထားတဲ့လူတွေ ဒီစည်းထဲကို ၀င်ထိုင်ပေးပါ”
အဲဒီမှာ ၂ယောက်က မ၀င်သေးဘူး၊
ဆရာလုပ်သူက ဆက်ပြောတယ်
လက်ဖွဲ့၂ခုစာလိုနေတယ်နော်၊ ၀င်လာပါတဲ့
ဒါနဲ့ ဟို၂ယောက်လည်း ၀င်တာပေ့ါ
“ကဲ အားလုံးပဲ ၄နဲ့ ၅နဲ့ပေါင်းတော့ ဘယ်လောက်လဲ”
“၉”
“ဟုတ်ကဲ့၊ ၉ဆိုတော့ ၉န၀င်းပေ့ါနော၊ ဒီတော့ လက်ဖွဲ့ဖိုးကျနော့်ကို ၉၀၀စီပေးကြပါ”
၁၀၀၀တန်တွေ၊ ၁၀၀၀တန်တွေ ပေးလိုက်ကြတာ၊ တပည့်လုပ်သူက လာကောက်တာပေ့ါ
၁၀၀လည်းမအမ်းတော့ဘူးပေ့ါ
ပြီးတော့ ပြောသေးတယ် “ကျနော် ဒီပိုက်ဆံတွေကို ဘယ်သူ့ကိုလှူရမှာပါ၊
တကယ်လို့ ကျနော်စားခဲ့ရင် ဘာဖြစ်ပါစေ ညာဖြစ်ပါစေ” ကျိန်ပါသေးတယ်
ဒီလိုနဲ့ နောက်ထပ်ပရိတ်ကြိုးလိုလို ကြိုးလေးတွေ ရောင်းပြန်ရော
“ဒီကြိုးလေးတွေအတွက်ကတော့ ကျနော့်ကို လက်ဖက်ရည်ဖိုးလေးပဲ မ,စပါခင်ဗျ၊
ဘယ်လောက်ပဲဖြစ်ဖြစ်ပါ”တဲ့
ပေးကြတာပါပဲ ၂၀၀တန်၊ ၅၀၀တန်တွေ၊ လူတွေလည်း ဒါမျိုးကျတော်တော်ငွေပေါနေလားပဲ
ပခြုပ်ထဲကမြွေလည်း မပြသေးဘူး
လူတွေလည်း အကြာကြီးဘယ်စောင့်နိုင်တော့မလဲ
အလျှိုလျှိုပြန်ကြ သွားကြပြီပေ့ါ
မပြန်သေးတာ ကျွန်မအဒေါ်၊ သူကပွဲပြီးထိစောင့်ကြည့်တာ
အဲဒီပရိသတ်ထဲမှာပါတဲ့ လင်မယားနှစ်ယောက်မှာ မိန်းမဖြစ်သူက စောစောက လက်ဖွဲ့ယူပြီး
စည်းဝိုင်းထဲဝင်တော့ ၉၀၀ပေးရတယ်၊ နောက်က ယောက်ျားလုပ်သူကလည်း အဆင်သင့်
ပိုက်ပိုက်ထုတ်ပေးတယ်
နောက်တစ်ခါ ကြိုးဖိုးတောင်းပြန်တော့လည်း နောက်ကယောက်ျားက ထုတ်ပေးရှာတယ်
ဒါနဲ့ ကျွန်မအဒေါ်လည်း မနေနိုင်မထိုင်နိုင် အဲဒီယောက်ျားကိုသွားပြောတယ်
“ရှင်တို့ တရားလေးဘာလေး မနာကြဘူးလား၊ ဒါဖြစ်နိုင်မဖြစ်နိုင် စဉ်းစားပါဦး၊
လူလူချင်း ဘယ်လူကဘယ်လောက်စွမ်းလို့ ဘာလုပ်ပေးလို့ရမှာတုန်း”တဲ့
နောက်တော့ ဆရာတပည့်နှစ်ယောက်မှာ တပည့်လုပ်သူက “ဆရာရေ၊ အချိန်မရတော့ဘူး၊
မြန်မြန်လုပ်ပါတော့၊ သွားကြရအောင်” ဘာညာသာရကာ လုပ်တယ်
သူတို့ပခြုပ်ထဲက မြွေလည်း ပြတော့ပြသွားပါတယ်
မြွေအရွယ်ကို ကျွန်မအဒေါ် လက်နဲ့နမူနာပြတယ်၊ လက်မနှစ်ဖက်ထိ၊ လက်ညှိုးနှစ်ဖက်ထိပြီး
ဝိုင်းပြတယ်၊ အစတုန်းက ပါးစပ်ထဲ လက်ဖွဲ့ငုံခိုင်းတဲ့ကောင်လေးကိုလည်း ဘာမှမလုပ်ဘူး
သူလည်း အူကြောင်ကြောင်နဲ့ ပွဲပြီးသွားတယ်
ကျန်တဲ့လူတွေကို လက်ဖွဲ့ညာရောင်းလိုက်တာပဲရှိတယ်
တပည့်လုပ်သူက ခုနကတောင်းလို့ရတဲ့ ပိုက်ပိုက်တွေကို ပါလာတဲ့ အိတ်အနက်ကြီးထဲ စုပြုံထည့်ပြီး
ဆရာတပည့်နှစ်ယောက် ဒိုးကြလေသတည်းပေ့ါ
ကျွန်မအဒေါ်လည်း မချင့်မရဲနဲ့ ပြန်လာခဲသည်ပေ့ါ
သူ့စိတ်ထဲတော့ ပြောနေတာ “အဲဒါလိမ်နေတာ၊ လိမ်နေတာ”လို့
ပါးစပ်ကလည်း အော်မပြောရဲဘူး၊ သူကကြောက်တတ်ပါဘိသနဲ့၊ ဟိုဆရာတပည့်က အညှိုးနဲ့ရန်ရှာမှာ စိုးလို့တဲ့
ရွာသူားများကတော့ လည်ပြီးနပ်ပြီးသားဆိုတော့ ဒါမျိုးအလိမ်ခံရမယ်တော့ မထင်ပါဘူး
နို့ပေသည့် ဗဟုသုတလေးလည်းရအောင် နီးစပ်ရာလေးလည်း လက်တို့ရအောင်
သဂျီးဂေဇက်မှ မောင်းခတ်လိုက်ရလေတော့သတည်း။။။။။။။။။။။။။

panpan

About panpan

chit has written 57 post in this blog.