လူ့အဖွဲ့အစည်းအတွင်းတွင် လူ့အဖွဲ့ဝင်တစ်ယောက်အဖြစ် ရဲရင့်တင့်တယ်စွာ ရပ်တည်နေထိုင် နိုင်ဖို့အတွက်ဆိုရင် လူသားအားလုံးအတွက် စည်းကမ်းရှိဖို့လိုပါတယ်။ ထိုစည်းကမ်းကတော့ အချက်နှစ်ချက်ရှိပါတယ်။ ပထမအချက်ကတော့ လူ နှင့်လူချင်းအပေါ် လွန်ကျူးချက် ဖြစ်စေသော ပြောဆိုပြုမူစိတ်ထားချက်တို့ကို ရှောင်ကြည်ဖို့လိုပါတယ်။ ၀ါရိတ္တသီလဖြင့် ပြည့်စုံရပါမယ်။ ကျန်တစ်ချက်ကတော့ လူနှင့်လူချင်းအပေါ် ရိုင်းပင်းကူညီဖေမ ဆောင်ရွက်ခြင်း ပင်ဖြစ်ပါတယ်။ ဒါကတော့ စာရိတ္တသီလဖြင့်လည်း ပြည့်စုံရပါမယ်။

ဒီနေရာမှာ စိတ်ထားမှု အရမ်းအရေးကြီးပါတယ်။ အခြားသူတစ်ဦးအပေါ် ကိုယ်နှင့် ဆွေမျိုးသားချင်း၊ ဆရာတပည့်၊ ရပ်ကွက်တူ၊ တစ်ကျောင်းတည်းတွက် စသည်ဖြင့် အကြောင်း တစ်ခုခုဆက်စပ်မှသာ ကူညီရမယ်လို့ စိတ်ထားလို့မရပါဘူး။ အကူအညီလိုသူသည် လူသား တစ်ဦးပါ။ ထို့နည်းတူ ကူညီပေးနိုင်သူကလည်း လူသားပါ။ ကျွန်ုပ်တို့အားလုံး ကမ္ဘာကြီးပေါ်မှာ လူသားအဖြစ်ရပ်တည်နေထိုင်ပြီး တိုးတက်သော အတွေးအခေါ်များဖြင့် လူ့အဖွဲ့အစည်းကြီး ခိုင်မာလာခြင်း၏ အဓိကအချက်သည် လူနှင့်လူချင်း ကူညီဖေးမကြလို့ပါ။

သို့ပေမယ့် ကူညီသူကကူညီဖေးမနေကြသလို လူ့ဘောင်လောကကြီးထဲတွင် ကိုယ်နှင့် မဆိုင်သလိုနေထိုင်သူ နှင့် ဖျက်ဆီးသောအမှုဖြင့်နေထိုင်သူများလည်း များစွာတွေ့ နေရခြင်းသည် လူ့သားလောကကြီးအတွက် အလွန်မချမ်းမွေ့စရာဖြစ်ပါသည်။

ကျွန်ုပ် အသိပေးလိုသော အချက်မှာ ပထမလူတန်းလွှာအဖြစ် ဖျက်ဆီးသောအမှုဖြင့်သာ နေထိုင်သူများဖြစ်ပါသည်။ ထိုသူတို့သည် သီလနှစ်ချက်စလုံးဖြင့် မပြည့်စုံသူပါ။ ထိုသူတို့၏ လုပ်ရပ်ကို လူအများစု လက်မခံနိုင်ကြတာတော့ ရှင်းပါတယ်။ ထိုသူတို့သည် ၀ါရိတ္တသီလ (ရှောင်သီလ)ပင် မပြည့်စုံသူများဖြစ်ပါတယ်။ ၀ါရိတ္တသီလမပြည့်စုံသူတို့သည် ဘယ်လိုနည်းနှင့်မျှ စာရိတ္တသီလ မပြည့်စုံပါဘူး။

ဒုတိယလူတန်းလွှာကတော့ ပတ်ဝန်းကျင် လူသားအဖွဲ့အစည်းအပေါ် ဖျက်ဆီးသော လွန်ကျူးချက်များလည်း မပြုလုပ်သလို ဖေးမကူညီခြင်းအမှုလည်း မပြုသော လူတန်းလွှာတွေကိုတော့ လူသားအဖွဲ့အစည်း၏ အခက်အခဲသည် ထိုသူတို့နှင့် မဆိုင်သလိုနေထိုင်သူများအဖြစ် သတ်မှတ်ရမှာပါ။ ထိုကဲ့သို့ မဆိုင်သလိုနေထိုင်မှု ပြုသူများသည် ၀ါရိတ္တသီလ(ရှောင်သီလ)ဖြင့်သာ ပြည့်စုံပြီး စာရိတ္တသီလ (ဆောင်သီလ) ချို့ယွင်းသူများဖြစ်ပါတယ်။ ဒီနေရာမှ အကြောင်းစပ်၍ တစ်ခုပြောလိုသည်မှာ ဗုဒ္ဓဘာသာ အများစု ၀ါတွင်း၊ ၀ါပ ဆောက်တည်နေကြသော သီလသည် ၀ါရိတ္တသီလ(ရှောင်သီလ)သာ ဖြစ်ပါသည်။ ဥပမာ မခိုးဘူး၊ မသတ်ဘူး၊ မလိမ်ဘူး၊ စသည်ဖြင့်။

စာရိတ္တသီလသည် မခိုးရုံမျှမဟုတ် အခြားသူ၏ ဥစ္စာကို ထိန်းသိမ်း စောင့်ရှောက် ရမည်ဟု ခံယူသည်။ မသတ်ရုံမျှမဟုတ် အခြားသူ၏အသက်ရှည်ကြောင်းအမှုကို ပြုမူ နေထိုင်သည်။ မလိမ်ရုံမျှ မဟုတ် လိမ်သူကို အပြစ်နှင့်တကွ လမ်းညွှန်ဆုံးမသည်။

ထို့ကြောင့် လူသားလောကကြီး တစ်ခုလုံး တတိယလူတန်းလွှာဖြစ်သော ၀ါရိတ္တသီလ (ရှောင်ကြဉ်ရသောသီလ)နှင့် စာရိတ္တသီလ(ကျင့်သုံးရသောသီလ)တို့ကို လူသားလောက ငြိမ်းချမ်းမှုကို ရှေးရှုပြီး ဆောက်တည်နိုင်ပါစေ။ ဆောက်တည်ပြီး ပုဂ္ဂိုလ်များသည်လည်း ဆက်လက်ဆောက်တည်နိုင်ပြီး၊ မဆောက်တည်နိုင်သူများလည်း သိရှိနားလည်ပြီး ဆောက်တည်နိုင်ကြပါစေလို့ Mandalay Gazette မှ မေတ္တာတွေ ဗရဗွဖြင့် အသိပေး ဗျို့ဟစ်လိုက်ပါတယ်။

 

ကျွန်ုပ်၏ သင်ယူလေ့လာမှုမှရရှိပြီး လက္ခံယုံကြည်သော အတွေးစာစု ဖြစ်ပါသည်။

ဝေဖန် အကြံပြုမှုကို ကြိုဆိုလျှက်။

About kotun_mdy

Ko Tun has written 14 post in this Website..