ဒီနေ့ မရည်ရွယ်ပဲနဲ့ ပွဲ တခုကို ရောက်သွားခဲ့ပါတယ်။ ကိုယ်နှစ်သက်တဲ့ အနုပညာရှင်တွေမို့လည်း သွားဖြစ်ခဲ့တာပါ။ ထူးထူးဆန်းဆန်း စရောက်ရောက်ချင်းမှာပဲ လက စကြတ်ပါတယ်။
နောက်တဖြည်းဖြည်းနဲ့ ကြတ်သွားတာ ပွဲပြီးမှ ပြန်လင်းလာခဲ့ပါတယ် ။ ဒါလေးက တိုက်တိုက်ဆိုင်ဆိုင် ကြုံတောင်ကြုံခဲ မြင်လိုက်ရတာပါ။

တခါကလည်း ကြယ်မိုးရွာမယ်ဆိုလို့ တညလုံး စောင့်ခဲ့ဖူးပါတယ်။ အဲ့ဒီညတုန်းကတော့ လေကြီးမိုးကြီးကျပြီး ကောင်းကင်တခွင်လုံး ပိန်းပိတ်အောင်မဲပြီး မှောင်နေခဲ့ပါတယ်။ ဒါကို ဇွဲက မလျှော့ဘူး ပေါ်လာနိုး ပေါ်လာနိုးနဲ့ပါ။ သူငယ်ချင်းတွေ ညီအမတွေနဲ့ တညလုံးတလှည့်စီစောင့်မယ်လို့ တိုင်ပင်ထားတာမှာ အိမ်က ညီမတွေက သူတို့ အရင်အိပ်နှင့်မယ် စောင့်နှင့်နော်လို့ ပြောပြီး လောကကြီးနဲ့ အဆက်ပြတ်သွားကြပါတယ်။ သိပ်မကြာခင်မှာပဲ သူငယ်ချင်းက သူအိပ်လိုက်အုနုးမယ် ဆက်စောင့်နေနော်ဆိုပြီး ချစ်စရာကောင်းစွာ ဖုန်းဆက်လာပါတယ်။ နောက်ခဏနေတော့ တ၀ုန်းဝုန်း တဒိုင်းဒိုင်းလေသံမိုးသံတွေ ကြားမှာ ကျမလည်း အိပ်မောကျသွားလို့ ဘာမှ မသိလိုက်ပါဘူး။ အဲ့ဒီတခေါက်ကတော့ ဘာပုံမှလည်း ဘယ်နေရာမှာမှ မမြင်လိုက်မိပါဘူး။ ဒီတခါတော့ ခါတော်မှီလေးပါ။ မှတ်မှတ်ရရပါ။

ရွာထဲမှာလည်း ပုံတွေကို မြိုင်မြိုင်ဆိုင်ဆိုင်နဲ့ကို တွေ့လိုက်ရပါတယ်။ ဒါလေးက ကြုံလို့ ပြောမိတာပါ။ ဆိုလိုချင်တာက တခြားပါ။

ဒီနေ့ ကြည့်မိတဲ့ ပွဲက တော့ ထုံးစံအတိုင်း ထူးမခြားနားပွဲ တွေထဲက တခုပါပဲ ။ သို့သော် မန္တလေးသား လင်းလင်းကတော့ ထူးထူးခြားခြားလေး တခု လုပ်သွားပါတယ်။ ကျမ ကြုံဖူးသမျှထဲမှာ အနုပညာသည်တယောက်က ဒီလိုပွဲမျိုးမှာ ဒီလို ပြောတာကို ပထမဆုံးအကြိမ် ကြားဖူးခြင်းပါ။ အမေစုရဲ့ ရှေ့ဆောင်လမ်းပြပြီး စည်းရုံးမှုတွေထဲ က သက်ရောက်လာတဲ့ အသီးအပွင့်တခုလို့ မြင်မိပါတယ်။

လင်းလင်းက သီချင်းတပုဒ်ကို စစချင်း ဆိုအပြီးမှာ ဒုတိယတပုဒ်အတွက် စကားတခွန်းပြောပါတယ။် ဟိုး……နံရံတွေနောက်မှာ ရှိနေသေး ကျန်နေသေး မလွတ်မြောက်နိုင်သေးတဲ့ ကျနော်တို့ ညီအကို မောင်နှမတွေအတွက် လွတ်မြောက်နိုင်ဖို့ ဆိုပြီး သူတို့အပေါ်မှာ အခုလက်ရှိအစိုးရရဲ့ မလွှတ်ပေးသေးတာကို ဖေါ်ပြချင်တဲ့ သဘောနဲ့ အရင်အတိုင်း မပြောင်းလဲသေးပါဘူး ဆိုပြီး သူ့သီချင်းတွေထဲက “မပြောင်းလဲသေးဘူး” ဆိုတဲ့ သီချင်းတပုဒ်ကို ဆိုပြပါတယ်။ လက်ခုပ်သံတွေ ညံနေတာပါပဲ။ ကျမလက်တွေလည်း အတော်လေး နာသွားပါတယ်။

သီချင်းစာသားတွေကလည်း အဓိပ္ပါယ် အပြည့်နဲ့ပါ။ နောက်တပုဒ် မဆိုခင်မှာ သူက ပြောပါသေးတယ် ကျနော်တို့ မန္တလေးသူ မန္တလေးသားများရဲ့ ကျုံးကြီးဟာ ခုဆိုရင် မန်းမြို့သူမြို့သားတွေနဲ့ ဝေးလို့ တစိမ်းတွေကြားမှာ အထီးကျန်နေပါပြီတဲ့ ။ ဒါကြောင့်မို့ သူက ကျုံးကြီးကို ပြောချင်တယ်တဲ့ ” နေတတ်သလိုသာနေပါတော့ ” ဆိုပြီး အဲ့ဒီသီချင်းကို ဆိုပါတယ်။ ကျမကိုယ်တိုင်လည်း သိပ်နှစ်သက်တဲ့ သီချင်းတပုဒ်ဟာ သူဆိုလိုတဲ့ ထိမိတဲ့ နာကျင်စရာ ကောင်းလှတဲ့ အမှန်တရားတခုကိုပါ မီးမောင်းထိုးပြလိုက်တဲ့အတွက် ညံလှတဲ့ လက်ခုပ်သံတွေ ကြားမှာ အားရပါးရ အားပေးခဲ့ပါတယ်။ တကယ့်တကယ် ရင်ထဲမှာတော့ ငိုချင်စိတ်ပေါက်သွားပါတယ်။

သို့သော် စိတ်မကောင်းတဲ့ ကြားကပဲ ၀မ်းသာမိတာတခုက အနုပညာရှင်တယောက်ရဲ့ တတပ်တအား အမျိုးသားရေးကို စိတ်ပါဝင်စားစွာ ခံစားပေးပြီး အကျိုးပြု သတိပေးခဲ့တဲ့အတွက်ပါ။ ဒါတွေကဒီအတိုင်းဖြစ်လာတာတော့ မဟုတ်ပါဘူး။ ကျမတို့ရဲ့ အရည်အချင်းရှိပြီး အမျှော်အမြင်ကောင်းလှသော လူထုဘက်က ရပ်တည်ပေးတဲ့ ခေါင်းဆောင်တယောက်ဖြစ်တဲ့ အမေစုရဲ့ စည်းရုံးနိုင်မှုတွေ မေတ္တာရပ်ခံမှုက နေ ပေါက်ဖွားလာတဲ့ အသီးအပွင့်တွေပါ။

အနုပညာသည်ဆိုတာ ပြည်သူတွေပေါ်မှာ အထိုက်အလျောက်တော့ သြဇာ လွှမ်းမိုးနိုင်တယ် ဆိုတာထက်ပိုပါတယ်။ သူတို့ လို အနုပညာသည်တွေက ဒီလို တဖက်တလမ်းကနေ တတပ်တအား ပါဝင်လာမယ်ဆိုရင်လည်း ကျမတို့လို့ ပြည်သူတွေကို တထောင့်တနေရာကနေ အကျိုးပြုပါတယ်။ သို့သော် အနုပညာသည်တွေ အားလုံးတော့လည်း မပါဝင်နိုင်သေးဘူးပေါ့လေ။

ဒီနေ့ပွဲဆိုရင်လည်း ဆိုသူအများကြီးထဲကမှ သူတယောက်ပဲ ဒီလိုပြောပြီး ဆိုသွားတာပါ။ ဒီသီချင်းတွေကို ဒီလို ရိုးရိုးပဲ ဆိုရင်လည်း အားလုံးက အားပေးမှာပါပဲ ။ ဒါပေမဲ့ သူကတော့ သူစွမ်းတာလေးနဲ့ အဓိပ္ပါယ်ရှိအောင် ဖျော်ဖြေသွားပါတယ်။

နောက်ဆုံးသီချင်းတပုဒ်ဆိုအပြီးမှာ သူက ” ကျနော်တို့တွေ အားလုံး လိပ်ပြာသန့်သန့်နဲ့ကြောက်ရွံ့မှု ကင်းပြီး နှစ်ခြိုက်စွာ အိပ်မောကျနိုင်မဲ့ နေ့ တွေ အမြန်ဆုံး ရောက်ရှိလာပါစေလို့ ဆုတောင်းပါတယ်လို့ ” ပြောသွားပါသေးတယ်။

အဲ့ဒီအချိန်မှာ ပရိသတ်ရဲ့ရင်ထဲမှာ ဖြစ်ပေါ်လာတဲ့ သဘောကျနှစ်သက်မှုနဲ့ ခံစားမှုက တခြားသော အနုပညာသည်များကို နှစ်သက်သဘောကျပြီး အားပေးတဲ့စိတ်နဲ့ ခံစားမှုခြင်းကွာသွားပါတယ်။ ဒါမျိုးက စိတ်ပိုင်းဆိုင်ရာ မြင့်မားတဲ့ ခံစားမှုတမျိုးပါ။ သို့သော် ပရိတ်သတ်အားလုံးကတော့ သူပေးချင်တဲ့ သတင်းစကားကို ရချင်မှ ရပါလိမ့်မယ် ။ ဘာဖြစ်လို့လဲ ဆိုတော့ ဆယ်ကျော်သက်လေးတွေကလည်း အများစုပါပြီး ၊ ပျော်ချင်တဲ့လူကလည်း အများစု ( ကျမကိုယ်တိုင်အပါအ၀င်)ပါနေလို့ပါ။ သို့သော် မတော်တဆ ကျမလိုမျိုး သတိထားမိတဲ့ လူတွေ တဖြည်းဖြည်းများချင် များလာနိုင်ပါတယ်။ ကြယ်ငါးလေးတွေ ရေထဲ တကောင်ချင်း ပြန်ပစ်မိသလိုမျိုးပေါ့။

နောက်ကိုဘီလူးရေးတဲ့ ” အမဲတွေ့တုန်း ဓားမတုံးစေနဲ့ ” ဆိုတဲ့ စာစုထဲကလို ကျမတို့တွေရဲ့ မကောင်းလှတဲ့ အကျင့်စရိုက်များထဲက တခုဖြစ်တဲ့ အတိုင်း ရေသန့် ဗူးသေးလေး တဗူးကို ငွေ ၁ ထောင် ၊ ကော်ဖီတခွက် ငွေ ၁ ထောင်၊ ကားရပ်ခ ငွေ ၁ ထောင် ပေးခဲ့ရပါတယ်။ ဒါလေးတွေလည်း ဘယ်တော့ ပျောက်မလဲ မသိဘူးနော်။( စွယ်တော်လည်း သွားမဖူးရသေးလို့ အဲ့ဒီနားမှာလည်း ယာဉ်ရပ်နားခတွေများ ဘယ်လိုကောက်နေမလဲ မသိပါဘူး။)

အနှစ်ချုပ်လိုက်တော့ ဒီနေ့ က ကျမအတွက် ထူးခြားတဲ့ နေ့လေးတခု ဖြစ်ခဲ့ပါတယ်။ မဲမှောင်သွားတဲ့ လကြတ်တာကိုလည်း အစအဆုံး မြင်ခွင့်ကြုံလိုက်ပါတယ်။
သွားကြည့်ဖြစ်တဲ့ ရှိုးပွဲတခုကနေ စိတ်ပိုင်းဆိုင်ရာ ခံစားမှုတခုလည်း ရခဲ့ပါတယ်။

ကျမရင်ထဲမှာ နှစ်သက်တဲ့ အနုပညာသည်တွေရဲ့ နေရာတွေလည်း မသိမသာနဲ့ ပြောင်းသွားပါတယ်။ အရင်က မျိုးကြီးနဲ့ IC ၊ စိုင်းစိုင်းတို့ ဟာ ကျမ ရဲ့ ပထမတန်းစား နှစ်သက်သူများပါ။ ( ကိုယ်နှစ်သက်တဲ့ အနုပညာအား ကောင်းလှတဲ့ သူတို့တွေကိုလည်း ကော်ပီဆိုတဲ့ အရိပ်မဲကြီးအောက်က အမြန်ဆုံး လွတ်မြောက်ပြီး ကိုယ်ပိုင်ဖန်တီးမှုများနဲ့ နေရောင်အောက်မှာ တောက်ပနိုင်ပါစေလို့လည်း စိတ်ထဲမှာ ကျိတ်ပြီး ဆုတောင်းမိပါတယ် )

ဒီနေ့ ကျမရင်ထဲမှာ ပထမတန်းစား နေရာပေးပြီး နှစ်သက်မိသွားသူက လင်းလင်း ဖြစ်သွားပါတယ်။ သူ့ရဲ့ ပြောရဲ ဆိုရဲတဲ့ စိတ်ဓာတ်နဲ့ သတ္တိကိုလည်း လေးစားသွားပါတယ်။

နောက်တခုက အသက်ကြီးလာလေလေ အပေါင်းအသင်းကို ရွေးပြီး ဇီဇာကြောင်တတ်တဲ့ လွယ်လွယ်နဲ့ မိတ်ဆွေ မဖွဲ့ တတ်တဲ့ ကျမအတွက် အလွန်ခင်စရာကောင်းပြီး ပွင့်ပွင့်လင်းလင်းနဲ့ ခပ်ပေပေနေတတ်တဲ့ ကျမတို့နဲ့ အပြိုင် အာလူးဖုတ်နိုင် လေပေါနိုင်တဲ့ သူငယ်ချင်းတယောက်လည်း ဒီနေ့ နေ့လည်လောက်မှာ မထင်မှတ်ပဲ ကောက်ရလိုက်ပါတယ်။
ဒါလေးကလည်း ဒီနေ့ ရဲ့ မှတ်မှတ်ရရပါပဲ။

ကျမရဲ့ တောင်စဉ်ရေမရ ဟိုရောက်ဒီရောက်စာစုလေးကို ဆုံးအောင်ဖတ်ပေးတဲ့အတွက်လည်း ကျေးဇူးအများကြီး တင်ပါတယ် ။

(ရေးကောင်းကောင်းနဲ့ ရေးလိုက်တာ မနက် ၃ နာရီတောင် ရှိနေပါပြီ ။ မနက်မထနိုင်ရင် မားသားကြီးရဲ့ ကွိစိကွစနဲ့ ကြုံနိုင်တာမို့ အိပ်လိုက်ပါအုန်းမယ်)

pooch

About pooch

has written 16 post in this blog.

Related posts:

  1. သင် လည်း အ မေ စု ကို ကူ ညီ နိုင် ပြီ ….
  2. G-talk မှ နှာဗူးတွေသတိထား ….
  3. မိန်းမတွေ ဘာကြောင့် ငိုရပါသလဲ
  4. ရွေး ကောက် ပွဲ အပြီး တစ် ပတ် အ ကြာ ဘာ တွေ ထူး ခဲ. သ လဲ ….
  5. ဥပုသ်နေ့