သိသောသူများလဲသိကြပေလိမ့်မည်။ မသိသေးသောသူများအဖို့လည်း အသစ်အဆန်းဖြစ်နေလေမည်။ ကျွန်တော်တို့အတွက်မှာမူကား နေ့စဉ်ဖြစ်ရိုးဖြစ်စဉ်များသာ ဖြစ်တော့သည်။ ကိုယ်ကိုယ်တိုင် စွဲချက်တင်၊ ကိုယ်ကိုယ်တိုင်ဆုံးဖြတ်၊ ကိုယ်ကိုယ်တိုင် စီရင်ချက်ချနေရသောသူများမှာ ရွှေ့ပြောင်းအလုပ်သမား ကျွန်တော်တို့လို လူစားများသာ ဖြစ်ပေတော့သည်။

============================================================================

တစ်မြေရပ်ခြားတွင် သွားရောက်အလုပ် လုပ်ကိုင်မှ ကြီးပွားချမ်းသာမည်ဟူသော ရည်ရွယ်ချက်ဖြင့် နိုင်ငံကူးလတ်မှတ်ထုတ်ပေးရာရုံးတွင် စာရွက်စာတမ်းများကိုကိုင်ဆောင်ကာ လူအမျိုးမျိုးအထွေထွေကြားတွင် တိုးဝှေ့တန်းစီရင်း ချွေးသံတစ်ရွှဲရွှဲဖြင့် တိုးဝှေ့ထားသည့် ရုပ်ကြီးဖြင့် ဖြစ်သလိုရိုက်ပေးလိုက်သော ပုံကြီးကို အခန့်သားကပ်ပေးထားသော ကျက်သရေတုံးလှသည့် ကိုယ့်ပုံကြီးကပ်ထားသော နိုင်ငံကူးလတ်မှတ် နီနီရဲရဲကြီး လက်ဝယ်တွင် ရောက်ရှိလာရာမှ အစပြုပြီး နိုင်ငံခြားဆိုသောစကားသည် လွန်စွာမှပင် စိတ်ကူးယဉ်ချင်စရာကောင်းသော နတ်ဘုံ၊ နတ်နန်းကြီးတမျှ စိတ်ကူးယဉ်ချင်စရာကောင်းတော့သည်။ ညီညာချောမွေ့နေသော လမ်းမကြီးပေါ်တွင် ဖြတ်သန်းမောင်းနှင်နေသော ကားကောင်းကားသန့်များ၊ နီယွန်မီးများဖြင့် စည်ကားနေသည့် Night Life များ၊ မီးမပျက်သည့် မြို့တော်ကြီးများ၊ ဟန်းဖုန်းများ ပေါပေါများများသုံးနေကြသော နိုင်ငံများတွင် အိမ်မြှောင်သာသာ နိုင်ငံမြှောင်သမားများ ဖြစ်ကြရမည့်အရေး တွေးရင်းဖြင့်ပင် ပျော်မြူးခြင်းဖြစ်ရတော့သည်။ နီးစပ်ရာအသိုင်းအ၀န်းကြားတွင်ကား နိုင်ငံခြားသွားမည့် မဟာသူရဲကောင်းကြီးအလား လွန်စွာလဲ မျက်နှာပွင့်ခြင်း ဖြစ်ရပြန်သေးသည်။ အေဂျင်စီပေါင်းစုံတွင် လျှောက်လွှာများ ရသလောက်တင်၊ ခေါ်သမျှ အင်တာဗျူးများကိုသွား၊ စောင့်စားရာ ခန်းမထဲတွင် ပြွတ်သိပ်နေအောင်ထည့်ထားသော လူအများကြားတွင် သူ့အကြောင်း၊ ကိုယ့်အကြောင်းပြောကြ၊ မအောင်မြင်သည့် အင်တာဗျူးများမှ အောင်မြင်စွာဆုတ်ခွာလာပြီးသည့်နောက်တွင်မတော့ အင်တာဗျူးအတွေ့အကြုံများလာသည့်အတွက် နောက်ဆုံးတွင်မတော့ ရွေးကောက်ခြင်းခံရပြီးသည့်နောက် လေယာဉ်လက်မှတ်ကို ရင်မောခြင်းကြီးစွာဖြင့် စောင့်စားခြင်းပြုရတော့သည်။ အတွယ်အတာများပြားလှသူများအဖို့မှာတော့ သွားရမည့် အချိန်အပိုင်းအခြားကာမိစေရန် အတိုးချ ချစ်ကြခြင်းပြုကြလေသော်လည်း ကျွန်တော်သည်ကား လတ်လျား၊ လတ်လျားဖြင့်သာ ထီပေါက်ထားသူကဲ့သို့ အခွင့်အရေးများရသလောက်အသုံးချကာ သူငယ်ချင်းများနှင့် ပျော်ပါးခြင်းသာ ပြုရတော့သည်။ အေဂျင်စီကို ပေးလိုက်ရသောငွေကြောင့် ကျွန်တော်တည်ဆောက်ထားသော အိမ်လေးမှာလဲ တစ်ပါးသူများလက်ဝယ်သို့ ထိုးအပ်လိုက်ရပြီဖြစ်သောကြောင့် သံယောဇဉ် အကုန်ပြတ်ခြင်းဖြစ်လေတော့သည်။ လေဆိပ်မှ ထွက်လာသောအခါတွင်မတော့မူ သူများနိုင်ငံတွင် အလုပ်သွားလုပ်မည့်ကျွန်တော်သည်ကား ဒေါ်လှ နှစ်ဆယ်မျှကိုသာ ကျစ်ကျစ်ပါအောင် ဆုပ်ကိုင်ပြီး ထွက်လာခြင်း ပြုမိတော့သည်။

အလုပ်မစတင်မီမှာပင် သုံးစွဲရန်အတွက် ထုတ်ပေးသော အနည်းငယ်မျှသော ငွေလေးကိုအရင်းပြုပြီး ရှမ်းမီးလှုံရာမှ ကံကောင်းလွန်းလှသဖြင့် နှစ်ဆပွားခြင်းဖြစ်သောကြောင့် မိုဘိုင်းလ်လေးတစ်လုံးဝယ်ပြီးသည့်နောက်တွင်မတော့ ငွေဖြည့်သုံးရန် နှမြောလှလွန်းသဖြင့် Clock Alarm Tone သာ မြည်နေရသည့် နှိုးစက်သာသာ ဖုန်းကလေးမှာ ယခုထက်တိုင်အောင်ရှိသေးတော့သည်။ တစ်စုံတစ်ခုဝယ်မည်ဟု စဉ်းစားမိချိန်တိုင်း မြန်မာငွေနှင့် တွက်ကြည့်ရာမှ ငွေတန်ဖိုးကို သိခြင်းဖြစ်သည့်အလျောက် ဘာဆိုဘာမှ မ၀ယ်ဖြစ်ပေ။ လစာထုတ်ရက်များတွင်မတော့ ကုန်တိုက်များရှိ Discount ချထားသည့် ကွန်ပျူတာ၊ ကင်မရာ၊ ဖုန်းများကို သွားရေတများများဖြင့် ကြည့်ပြီး ပြန်လာဖြစ်သည်သာ ဖြစ်သည်။ နတ်ဝင်စားသည်လားမသိ၊ အငွေ့လေးကလဲ ရှူချင်ပြန်သေးသောကြောင့် အငွေ့ထွက်ရင်ပြီးရော၊ ဈေးအပေါဆုံးဆိုသည့် ဆေးလိပ်များကိုသာ ၀ယ်သောက်ရတော့သည်။ ဆေးလိပ်ဈေးကြီးလှသော ဆင့်ကာပူရတွင်တုန်းကတော့မူ စီးကရက်တစ်လိပ်သည် သုံးခါခွဲသောက်စရာဖြစ်ခဲ့သည်။ ထို့ထက်ပိုပြီးဆိုးလာသော အခါတွင်မတော့မူ ပွတ်ချွန်းကိုသာ သောက်ရခြင်းလဲရှိခဲ့သည်။ ယခုနေရာတွင်ကား စီးကရက်ဈေးအပေါဆုံးဆိုသည်မှာ မြန်မာပြည် ဈေးအပေါဆုံးစီးကရက်သာသာမျှသာရှိသောကြောင့် ဗူးလိုက် ၀ယ်သောက်နိုင်တော့သည်။ သြော်… လွမ်းမိပါသေးတယ်၊ စီးကရက်ကို သုံးပိုင်းခွဲသောက်ခဲ့ရဖူးတာတွေကို။

ဆင့်ကာပူရတွင်တုန်းကမူ Food Court တွေမှာ နေရာတိုင်းလိုလိုတွင်ရှိသည်။ လိုချင်သည့်အစားအစာများကိုလည်း လွယ်လွယ်ပင်ဝယ်စားနိုင်သော်လည်း အမဲသား တစ်ကီလိုမှ ၃ ကျပ်ပေးရသဖြင့် ၃ ကျပ်နှင့် ၂ ရက်စာ ဖူလုံမည့်အရေး၊ သေသေချာချာတွေးမိပြန်သေးသဖြင့် ရဲရင့်သို့ ရောက်လျင်သော်မှ Tea တစ်ခွက်လောက်သာ သောက်ဖြစ်တော့သည်။ ယခင်က ထမင်းစားရာတွင် ထမင်းပူ၊ ဟင်းပူဖြင့် ဟင်းအမယ်စုံမှ စားတတ်သော်လည်း ၃ ရက်စာချက်ထားသည့် ဟင်းအား ရေခဲသေတ္တာမှထုတ်၊ Fair Price အပြာရောင် ဆန်ထုတ်လေးကိုသာချက်ထားသည့် ထမင်းနှင့်ဟင်းအား မြိန်ရေ၊လျှက်ရေ စားရတော့သည်။ မည်သူကမှလဲ ဇွတ်အတင်းခိုင်းစေနေခြင်းမဟုတ်ပါဘဲနဲ့ ကိုယ်ကိုယ်တိုင်ကကိုပင် အပိုးကျိုးသွားခြင်းဖြစ်သည်။

နီယွန်မီးရောင်များဖြင့် Night Life များသည်ကား တစ်ချိန်က စိတ်ကူးယဉ်ခဲ့ဖူးသလို စည်ကားလွန်းလှပါဘိ။ သို့သော် ထို Life များတွင် မပျော်ဝင်နိုင်သည့် ကိုယ့်ကိုယ်ကို အားမလို အားမရခြင်း ဖြစ်မိပြန်သေးသည်။ ထိုနေရာများတွင် တစ်ညတာ ပျော်ရွှင်စွာ ကုန်ဆုံးနိုင်ရန်အတွက် ၁၅ ရက်စာမက ရုန်းကန်ရှာဖွေရမည့်ငွေများကို နှမြောခြင်းကြောင့် တစ်ချိန်က စိတ်ကူးသည်လည်း စိတ်ကူးဘ၀မှာပင် အနိစ္စသို့ ရောက်ခြင်းဖြစ်တော့သည်။ ခေတ်ပေါ် ကားလှလှလေးများမှာကား ကြည့်ရုံသက်သက်မှလွဲ၊ ဘာဆိုဘာမှ တတ်နိုင်ခြင်း အလျဉ်းမရှိတော့ပေ။ မိုးမျှော်တိုက်တာကြီးများသည်လည်း နေ့လည်နေ့ခင်း သွားလာရာတွင် အရိပ်ရသည့်အတွက် ကျေးဇူးတင်ရုံမှတစ်ပါး လားလားမျှ သက်ဆိုင်ခြင်းလဲ မရှိ။ အိမ်မှထွက်ပြီးနောက် အလုပ်ကိုသွား၊ အလုပ်မှပြန်လာ အိမ်ကိုသာပြန် အစရှိသဖြင့် ကျင်လည်ရာဘ၀သည်ကား ယခင်က အနေအထားထက်ပင် ကျဉ်းမြောင်းလွန်းလှတော့သည်။ ကိုယ်ရှာတာ ကိုယ်သုံးဖို့ဟု ဆိုသော်ငြား ရလာသည့် လစာငွေလေးများအား တတ်နိုင်သလောက်စုထား၊ သက်ဆိုင်သူအား များများစားစား ပို့နိုင်ရေး သေသေချာချာတွေးနေရသဖြင့်လည်း လူမွှေးလူရောင် ပြောင်အောင်ပင် ၀တ်ဆင်နိုင်ခြင်းမရှိပေ။

တစ်ချိန်တစ်ခါတုန်းက စိတ်ကူးယဉ်ခဲ့ဖူးသော ဘ၀မျိုးကို ကိုယ်ကိုယ်တိုင်ပင် ငြင်းပယ်ကာ ဘယ်ရွေ့၊ ဘယ်မျှကာလထိ လုပ်ကိုင်သွားမည်၊ ဘယ်ရွေ့၊ ဘယ်မျှလောက်သော ငွေကြေးများကို ရှာဖွေသွားမည်၊ အဘယ်သို့ ရှေ့ဆက်လျှောက်သွားမည်၊ အဘယ်သို့ ခြွေတာစုဆောင်းသွားမည် အစရှိသည်တို့ဖြင့် ဘယ်သူ့ ဘယ်သူကမှ ဇွတ်မတောင်းဆိုပါဘဲနှင့် ကိုယ်ကိုယ်တိုင် အကျဉ်းချခံထားရသူများမှာ ကျွန်တော့်လို နိုင်ငံရပ်ခြား အလုပ်သမားများသာ ဖြစ်ပေတော့မည်။ တစ်ခါတစ်လေတော့လည်း ကျန်ရစ်သူများ အထင်ကြီးလေမလားရယ်ဟူသော ရည်ရွယ်ချက်ဖြင့် လတ်လျားလတ်လျား ကျော်ကြားရာနေရာများကို လမ်းသလားပြီး ရသလောက် ဓါတ်ပုံများရိုက်ကာ နေရာစုံတွင်တင်ပြီး ကြွားကြရသည်မှာလည်း ဒယ်အိုးဖင်အား ထုံးဖြူသုတ်ထားကြသည်ဟုပင် မှတ်ယူမိတော့သည်။
္ထ
ထို့ကြောင့်ပင်လျင် ဘယ်သူမှ စီရင်ချက်ချထားသည်မဟုတ်ပါဘဲနှင့် ကိုယ်တိုင် အကျဉ်းကျခံနေရသည်မှာ ကျွန်တော်၊ နိုင်ငံခြားမှာ အလုပ်လုပ်နေသောသူ ဖြစ်ပေတော့သည်တကား..။

(အသက်တစ်နှစ်ကြီးသည့်အနေဖြင့် ရေးချင်သလိုရေးလိုက်သောစာသာဖြစ်ပါသည်။ ပညာရှင်များ သည်းခံတော်မူကြပါကုန်၊ ၀ါသနာရှင်များ ခွင့်လွှတ်ကြပါကုန်၊ ရေးဖော်ရေးဖက်များကိုမူကား အကြောင်းသိနေပြီးဖြစ်သောကြောင့် အထူးအထွေ တောင်းပန်နေရန် လိုဟုမထင်)

ရှူံးနိမ့်မှုများနဲ့.. လူ

About ရှူံးနိမ့်မှုများနဲ့.. လူ

ရှူံးနိမ့်မှုများနဲ့.. လူ has written 78 post in this blog.

ဘ၀အကြောင်း၊ ကိုယ်တွေ့များကိုသာ ကိုယ်ပိုင်ရေးစာပေစစ်စစ်ဖြင့် ရေးနေသောသူ

Related posts:

  1. အင်္ဂလိပ်ဘာသာဖြင့် သင်ကြားပေးမည့် ပဋိစ္စသမုပ္ပါဒ် အခြေခံသင်တန်း ဖွင့်လှစ်မည်
  2. အကျဉ်းသား ၆၃၅၉ ဦးအား လွတ်ငြိမ်းချမ်းသာခွင့်ပြု
  3. အမြင်ချို့ယွင်း၍ မျက်စိအနေအထားပျက်ယွင်းနေသော သံဃာနှင့် လူပုဂ္ဂိုလ်များကို ဇီဝိတဒါနသံဃာ့ဆေးရုံကြီးတွင် မျက်စိတုတပ်ဆင်ပေးသွားမည်
  4. ငါးသိန်းတန် စီဒီအမ်အေဖုန်းများ အကန့်အသတ်မရှိ ချပေးမည်
  5. အခွေဌားဆိုင်များ၌ ပွားကူးခွေ ဌားခွင့်မပြု