ဆူနာမီ ဆရာတော် ဦးဥတ္တမသာရ ဓာတ်ပုံ realenlightenment.multiply.com


ဒီနေ့ ကိုစိုးဝင်းထွဋ်ဆိုက်မှာ တင်ထားတဲ့ ဆရာမ မချစ်မြတ်နိုး ရှင်းပြတဲ့ တရားတွေကို နာမိတော့ တရားတော် အနှစ်သာရနဲ့ အထင်အားဖြင့် ထပ်မံ နီးစပ်ခွင့်ရတယ်။ တရားဓမ္မ အခြေခံရှိသူ ရွာသားများလည်း နာကြားဖို့ စေတနာရှေ့ထား ဝေငှပါတယ်။ ၃၈ဖြာ မင်္ဂလာတရားတော်ပါ ကာလေန ဓမ္မဿဝနံ သင့်တော်သော အခါ၌ တရားနာကြားခြင်း ဆိုတဲ့အတိုင်း ခန္ဓာညဏ်ရောက် တရားဓမ္မကို လူ၊ ပုဂ္ဂိုလ်မ မစွဲ နာကြားခြင်းအားဖြင့် ကံကုသိုလ်၊ ညဏ်ကုသိုလ်များ ယူနိုင်ကြဖို့ပါ။ မစွဲဖို့ ပြောသာပြောရတယ် ကျနော်တို့လို ပုထုဇဉ်များအတွက် ပုဂ္ဂိုလ်ခင်မှ တရားမင်တာ ထုံးစံဖြစ်ပါတယ်။ သို့ပေမယ့် ဂေါတမဘုရား သာသနာတော်နဲ့ တွေ့မှီနေပါလျက် သာမန် ဒါန သီလ သမထ တရားအဆုံးအမများ၊ ဓမ္မတာ ဘာဝနာပွားခြင်း နည်းနာနိဿယများနဲ့ အချိန်ကုန် သွားမှာစိုးလို့ ထူးထူးခြားခြား ပေါ့ပါးလေးနက်စွာ (ဆန့်ကျင်ဖက် အဓိပ္ပါယ်နှစ်ခု ပေါင်းစပ်ထားတာ သတိပြုပါ) တရားဓမ္မကို ဟောကြားဆုံးမနိုင်သူ တဦးကို ယနေ့ထပ်မံ ညွှန်းချင်ပါတယ်။
နောက်ထပ်လို့ ပြောတော့ အခြားလူများ ရှိတဲ့သဘောဖြစ်ပါတယ်။ သူ့ အရင် ညွှန်းဖူးသူ အလားတူ ပုဂ္ဂိုလ်များ ရှိပါတယ်။ ရွေးထုတ်ပြရရင် သန်လျင်သဘာဝ ဓမ္မရိပ်သာ ဆူနာမီ ဆရာတော် ဦးဥတ္တမသာရ ဖြစ်ပြီး ယခုပုဂ္ဂိုလ်ကလည်း လက်ထောက်ဆရာမ မချစ်မြတ်နိုး ပါ။ ဆရာတော့် ဆုံးမချက် “ငါ သူ ပဲ အထင်မှားအောင် ဖန်တီးပြုလုပ်မှုများသာ တရစပ် အသစ်အသစ်ဖြစ်ကာ ပျက်စီးနေပြီး ငါ သူတွေကတော့ တကယ်ဖြစ်မနေဘူး” ဆိုတဲ့ အစွဲဖြုတ်တရားကို ဆရာမလေးမှ ခံစားတွေ့ကြုံတဲ့အတိုင်း ရှင်းပြထားတာ ဖြစ်ပါတယ်။ သမားရိုးကျ ဝိပဿနာ တရားဆုံးမချက်များနဲ့မတူ ပေါ့ပါးသွက်လက်ပြီး လိုရင်းကို တိုက်ရိုက်ထိမှန်တယ်။ မိမိ အားထုတ်ဆဲ နာကြားဆဲ သမထ၊ ဝိပဿနာ ဆရာတော်များ ရှိထားရင်လည်း ယခု ဟောကြားချက်များနဲ့ ယှဉ်တွဲဖြည့်စွက် နာနိုင်ပြီး ရည်မှန်းချက်ပန်းတိုင်အတွက် အထောက်အကူ ပြုနိုင်တယ်။
အမြည်းအနေနဲ့ ပေးရရင် ဘာဝနာရှုသူမှ ကာလသုံးပါးလွတ်တဲ့ စိတ်ထားတတ်ဖို့၊ ယခုလေးကိုပင် တဆုံးဖြစ်ဖို့၊ ဟိုဟာ ဒီဟာ စသဖြင့် သတ်မှတ်ချက်များ ရှိနေသ၍ အဲဒီအစွဲများအတိုင်း လိုက်ဖြစ်မဆုံး ဖြစ်နေပုံ စသည်တို့ကို အရပ်စကားနဲ့ ရှင်းလင်းပေးသွားလို့ အလွန် အကျိုးများပါတယ်။ ဝိပဿနာ တရားဟောတဲ့အခါ ပညတ်တင်ရင်း ဓမ္မအနှစ်သာရ လွဲချော်ကုန်ရတယ်၊ အကျိုးဆက်က ဖြတ်ရင်းနဲ့ လမ်းမဆုံး၊ အစွဲဖြုတ်မှ ပိုကြီး၊ မစွဲရလို့ စွဲကုန်ကြ စသဖြင့် သိမ်မွေ့လေးနက်တဲ့ တရားသဘောများကို ဆရာကောင်းရှိမှ ဆင်ခြင်နိုင်ပါတယ်။ ကျနော်လည်း ခန္ဓာငါးပါး၊ ရုပ်နာမ်နှစ်ပါး ပညတ်နယ်ထဲ ဝေ့လည်နေလို့ အဟုတ်ထင် ညှိတွယ်ခြင်း အမြင်အား စွန့်ခြင်းသဘော လွန်စွာတန်ဖိုးရှိကြောင်း သိရပါတယ်။ သို့ပေမဲ့ လူသည် အတိတ်ကပါတဲ့ အစွဲဖြုတ်နိုင်ခဲလို့ တဏှာဖြတ်တဲ့ ဝိပဿနာရှုရာတောင် ကိုယ်သန်ရာ သန်ရာလေး လုပ်ရမှ နေသာထိုင်သာရှိတယ်။ သိထားရင် သွားနေတဲ့ အရှိန်စောင်း ဘေးရောက်ကိန်း နည်းပါတယ်။ ဆက်ပြောရင် ပညတ်သဘောထဲ ပြန်ရောက်သွားပြီး မချစ်မြတ်နိုးပြောတဲ့ ဓမ္မလမ်းကြောင်းကနေ လွဲချော်သွားမှာမို့ ကိုယ်တိုင် နာကြည့်ကြပါ။

ဆရာမချစ်မြတ်နိုး


တရားတော်ကို နာကြားခြင်းဖြင့် မရေမတွက်နိုင်သော ကုသိုလ်ရတယ်၊ နောင်ပွင့်မယ့် ဘုရားနဲ့လည်း ကြုံပြီး တရားရမယ် ပြောကြတာတွေ ရှိပါတယ်။ ရိုးရိုးလေး စဉ်းစားကြည့်ပါ၊ တရားတော်ကို သာမန်လောက်ပဲ နာခဲ့ဖူးရင် ဘုရားရှင်ကို ဖူးရလည်း ကံကုသိုလ်သာ ဖြစ်ပါမယ်၊ တရားဓမ္မအနှစ်သာရကို မနာဖူးရင် ပိုထူးမယ် မထင်ဘူး။ ပါရမီဆိုတာ ကြိုးစားအားထုတ်မှု သာမက မှန်မှန်ကန်ကန် ချဉ်းကပ် ထိတွေ့ခြင်းလည်း ပါရတယ်။ ဆရာတော် ဦးဥတ္တမသာရ၊ ဆရာမ မချစ်မြတ်နိုးတို့လို (အခြား လက်ထောက် ဆရာ၊ ဆရာမ များလည်းရှိတယ်) ဆရာသမားကောင်းများ ရှိနေခိုက်၊ မိမိမှာလည်း ကံစွမ်းညဏ်စွမ်းများ ကောင်းနေခိုက် ကံ၊ ညဏ်၊ အခြေအနေ၊ အချိန်အခါ တို့ကို ပေါင်းစပ်ပြီး တရားတော်အစစ်နဲ့ ထိတွေ့နာယူ သွားကြပါလို့ နိဗ္ဗာန် အကျိုးမျှော် နှိုးဆော် လိုက်ရပါတယ်။ (မျှော်တယ် ဆိုကထဲက ကာလသုံးပါးနဲ့ မလွတ်တာမို့ ပြောနေရင်းကို မှားနေပါပြီ :D )
ဆရာမ မချစ်မြတ်နိုး http://realenlightenment.multiply.com/music/item/573/573
ဤစာစုဖြင့် ဓမ္မကျေးဇူးရှင်များဖြစ်သော ဆရာတော် ဦးဥတ္တမသာရ နှင့် ဆရာမလေး မချစ်မြတ်နိုး တို့အား ရှိခိုး ဦးခိုက်ပါ၏။
တရားတော်နှင့် ထိတွေ့ခွင့်ရအောင် လုပ်ဆောင်ပေးသော ကိုစိုးဝင်းထွဋ်အားလည်း တရားကျေးဇူးရှိသူအဖြစ် သတ်မှတ်ပါ၏။
အဝိဇ္ဇာကြောင်ကြီး :cool:

ကြောင်ကြီး

About ကြောင်ကြီး

အောင်ကြူး has written 263 post in this blog.

ကြောင်ပုဇွန်စား ကျွတ်ကျွတ်ဝါးသကဲ့သို့ သင့်ကိုတဂျွတ်ဂျွတ် ဝါးစားပစ်မည်။

Related posts:

  1. ဆရာမ နုနုရည်(အင်းဝ) ကိုရီးယား စာပေဆွေးနွေးဝိုင်း ဟောပြောချက် အသံဖိုင်
  2. မိသားစု ကုထုံးရှင် ပညာရှင် ဆရာမ Phoebe H. Jeong နှင့်တွေ့ဆုံခြင်း
  3. ဆရာ ဆရာမ များ စိတ်ညစ်ရပြန်ပြီ
  4. နာနာချတဲ့ ဆရာမ
  5. ရဟန်းနှင့် သူနာပြုဆရာမ