ကြောင်ကြီးအတိတ်ဘဝ ကြောင်ဂျစ်ခန်ဘုရင်ကြီးဖြစ်ခဲ့စဉ် (မဟာအလက်ဇင်းဒါး မလုပ်တော့ဘူး)


ဘားမိစ်ကလပ်စစ် ဓမ္မအမေးအဖြ ကဏ္ဍမှာ အခုလို မေးတာတွေ့တယ်။ ဗုဒ္ဓဝါဒမှာ ငါအတ္တ၊ ဝိညာဉ်၊ ရုပ်ခန္ဓာ မရှိဘူးဆိုရင် ဘဇာကြောင့် ဘဝအသစ်ပြန်ဖြစ်ခြင်းကို လက်ခံသလဲလို့ ဖီလော်ဆိုဖီအတန်း ဆရာမရဲ့ ဝေဖန်ချက်ကို အမေရိကန် ဘာသာရေးတက္ကသိုလ် တခုမှာ ကျောင်းတက်နေသူ ဗုဒ္ဓဘာသာဝင် မြန်မာတဦးက သက်ဆိုင်ရာ ဆရာတော်များကို ဇန်နဝါရီ ၃၁ရက်နေ့စွဲနဲ့ အင်္ဂလိပ်လို မေးထားတာပါ။ အကျင့်စရဏ မပါရင် နားလည်ဖို့ အတော်ခက်တဲ့ မေးခွန်းဖြစ်ပြီး အပေါ်ယံကြောသိသူ များပါမယ်။ ဒီကြားထဲ အင်္ဂလိပ်လို ရှင်းပြရင် နားလည်မှု ပိုလွဲနိုင်တယ်။
ငါအတ္တ ဝိညာဉ်ကောင် အယူဟာ ဟိန္ဒူဝါဒဖြစ်ကြောင်း ဖြေရှင်းချက်များရှိပေမဲ့ ပြောတုန်းခဏ အသိတရားရပြီး မျက်ကွယ်ရောက်တာနဲ့ ဝိညာဉ်ကောင် ရှိနိုးနိုးအယူ ပြန်ဖြစ်တတ်ကြတယ်။ ဗုဒ္ဓဝါဒအယူမှာ ဘဝဖြစ်စဉ်ကို ပိုးကောင် သွားသလို (စာအတိအကျ မေ့နေတယ်) ရှေ့ခြေအတွယ်ရပြီးမှ နောက်ခြေလိုက်ခြင်း ဥပမာပေးထားတာရှိတယ်။ အဘိဓမ္မာလိုပြောရင်တော့ ပုထုဇဉ်ရဲ့ နာမ်သိမှုတရားသည် အစဉ်မပြတ် ရုပ်တခုခုကို အာရုံညွှတ်နေတယ်။ မသိမှုအဝိဇ္ဇာ ဦးစီးထားလို့ မရှိတာကို ညွှတ်နေစိတ်ဇောကျ နေပါတယ်။ ဝိပဿနာရှုတယ်ဆိုတာ မသိမှု အဝိဇ္ဇာ စေတသိက်များကို ဝိဇ္ဇာသိမှု ပညာအမြင်သို့ အဆင့်ဆင့် ကူးပြောင်းပြီး အဆုံးမှာ ရုပ်နာမ်နှစ်ပါး စုံချုပ်ခြင်းကို ခေါ်ပါတယ်။ အခုလို ပညတ်ပြောတာ မှန်သလားဆိုတော့ မမှန်ဘူး၊ အနီးစပ်ဆုံး ပြောတာပါ။ မေးခွန်းရှင် မေးသလို ငါကို လက်မခံဘဲနဲ့ သံသရာစက်ဝန်း ဖြတ်တောက် နေခြင်းဟာ အမှန်စစ်စစ်မှာ ငါဆိုတဲ့ အစွဲကို ဖြုတ်ခိုင်းနေခြင်း ဖြစ်ပါတယ်။
ပညာကြီးသူများ ဝါ ပါရမီရှင်များကတော့ သဘော ညွှန်းဆိုရုံမျှနဲ့ ဒက်ခနဲ သဘောပေါက်လို့ ငါအစွဲ တန်းပြုတ် သံသရာပြတ်တယ်။ သို့သော် သာမာန် အများအတွက်ကတော့ အဲသလို လမ်းတို မပေါက်နိုင်ဘူး။ ငါဆိုတာ မရှိဘူးနော်၊ မရှိတာကို အရှိ ထင်နေလို့ ရှိနေတယ်၊ အယင်က ရှိတယ်ထင်လို့ အခုရှိနေတယ်၊ အဲသလိုထင်ရင် နောင်လည်းရှိနေအုံးမယ် စသဖြင့် ရှုသူစရိုက်လိုက်လို့ အမျိုးမျိုး လှည့်ပတ် ပြောဆိုရတယ်။ ပြောဆိုဆုံးမသူကိုယ်၌က ဝေဝေဝါးဝါးဆိုရင်တော့ နဂိုထဲကမှ ပညတ်တင်ပြောလို့ မမှန်ရတဲ့ ကြားထဲ အမှား ထပ်ဆင့်လို့ လမ်းလွဲပါတော့တယ်။ ဒါနဲ့ပဲ သမထနဲ့ ဝိပဿနာ မကွဲကြ၊ အစစ်နဲ့အတု ရောကြ ဖြစ်ရတာပါ။ အရေးကြီးတာ ဆရာမှန်ရမယ်၊ ကာယကံရှင်များကိုယ်၌က အကျင့်ပါရမယ်။ ဒါမှ ဆိုလိုရင်းကို သိနိုင်ပါတယ်။ တချို့ကြတော့ အခု စိတ်ဆိုးနေလား၊ အဲဒီ ပူလောင်မှု ဒေါသသည် ငရဲ၊ စိတ်ချမ်းသာ စိတ်ကောင်းဖြစ်နေရင် နတ်ပြည်လို့ မြင်သာတဲ့ လက်တွေ့ ဥပမာပေးတာကို ရေလိုက်လွဲပြီး ရှေးဘဝနောက်ဘဝ ငရဲနတ်ပြည် မရှိ ရုပ်ဝါဒ လက်ဝဲစွန်းရောက်တယ်။ အများစုကြတော့ ပြောတဲ့ ငရဲနတ်ပြည်ကို စိတ်စွဲပြီး တဏှာလက်ယာအစွန်း ရောက်တယ်။ ဒါကြောင့်ဘုရားက မဇ္ဈိမပဋိပ္ပဒါ အလယ်အလတ်လမ်းကြောင်း သတ်မှတ်ခဲ့တာပေါ့နော်။
အယင်က ပိုးကောင်ဥပမာ နောင်ဘဝကူးပုံ စာဖတ်ရရင် စာလိုပဲသိတယ်။ ဆိုလိုချက်ကို နှလုံးသားနဲ့ မခံစားတတ်ဘူး။ ပြန်လှန်ငြင်းဖို့ ငါ့အယူအစွဲ အဖြစ်သာ တိုးခဲ့တယ်။ ဝိပဿနာနဲ့ ရင်းနှီးတော့မှ မြတ်စွာဘုရားပြောတဲ့ ရုပ်နာမ်ဓမ္မ ဖြစ်ပုံပျက်ပုံ သစ္စာထိုက်ပုံများကို ရေးတေးတေး မြင်လာပြီး နာမ်ညွှတ်ရာ ရုပ်ဇာတိဖြစ်ခြင်း သံသရာစက်ဝန်းလည်ပုံကို သိခွင့်ရတယ်။ ကိုယ့်စိတ်ကို သတိပြုကြည့်ပါ၊ အာရုံတခုခုကို မတိမ်းညွှတ်ဘဲ ရှိနေတဲ့ အချိန်လေးများ တွေ့လေမလားလို့။ ကိလေသာ အာသဝေါကုန်ခမ်းတဲ့ ရဟန္တှာ မဖြစ်သ၍ ပညတ်အာရုံ တခုခုကို တိမ်းညွှတ် အယူမှားနေအုံးမှာပါ။ ဗျုန်းဆိုအသက် ဇီဝိန်ချုပ်သွားတဲ့အခါ နောက်ရုပ်တခုသို့ နာမ်ကလေးက ဆက်ကူးတယ် သို့မဟုတ် မိမိပြုခဲ့ရာ အကုသိုလ်၊ ကုသိုလ်များရဲ့ ခေါ်ဆောင်ရာကို လိုက်တယ်။ အကုသိုလ် ကုသိုလ်ဆိုတာလည်း သေခါနီး စိတ်ကျဖို့ အကြောင်းဖန်လာရာ အလွန်အားကြီး သိပ်မြန်တဲ့ စေတသိက်များလို့ နားလည်ကြည့်ပါ။
အထက်မှာပြောခဲ့တာ ပြုခဲ့တဲ့ ကံအလျောက် ဖြစ်တည်နေတဲ့ ရုပ်နာမ်နှစ်ပါး အပြန်အလှန် မှီတွယ် ကိုင်းညွှတ် ဘဝစဉ်ဆက် သွားနေပုံ ဖြစ်ပါတယ်။ လက်ရှိဘဝ ကံကုန်တဲ့အခါ နောက်ကံတခု ဆက်ခြင်းဖြင့် ရုပ်နာမ်နှစ်ခု အစဉ်မပြတ် ပေါင်းစပ်မှုကို ဓမ္မသဘောအရ မမြဲခြင်း သင်္ခါရလို့ သမုတ်ပါတယ်။ မရှိတာကို အရှိ ထင်မှတ်စိတ်စွဲ ကြတဲ့အခါ သင်္ခါရသဘော အဆုံးမရှိ သံသရာ တဖန်ဖန် တလဲလဲလည်ရင်း reincarnation, reborn နောင်ဘဝကူးခြင်း ဖြစ်ရပါတယ်။
အရင်ဘဝ Alexander the Great ဝင်စား Bigcat the Great

ကြောင်ကြီး

About ကြောင်ကြီး

အောင်ကြူး has written 263 post in this blog.

ကြောင်ပုဇွန်စား ကျွတ်ကျွတ်ဝါးသကဲ့သို့ သင့်ကိုတဂျွတ်ဂျွတ် ဝါးစားပစ်မည်။

Related posts:

  1. အဓိပ္ပါယ်မဲ့ ထိန်းချုပ်ခြင်းသို့ အင်တာဗျူးခြင်း
  2. ဆူးနဲ့ဝေဒေါ့ကွန်း အဟက်ခံရခြင်း S&W
  3. DALAI LAMA REINCARNATION LINEAGE – QUESTIONS
  4. တန်ဆောင်မုန်းက လမင်း ကိုအလည်ခေါ်ကြည့်ခြင်း
  5. “တွယ်ငြိခြင်းနှင့် လိုက်မမှီသော သဘာဝစုတ်ချက်”