ဆည်းဆာရိပ် ဘိုးဘွားရိပ်သာ

လက်ရှိဘိုးဘွားများစာရင်းနဲ့ ပြုစုသူများစာရင်းပါ

မနော အလှူ သဂျီးကောင်းမှုဆိုတဲ့အတိုင်းပါပဲ။ မန်းဂေဇက်ရွာထဲသို့ ၂၀၁၀ ခုနှစ် မေ ၇ ရက်မှာ မနော စတင်ရောက်ရှိခဲ့ပါတယ်။ ၂၀၁၂ ခုနှစ် မေ ၇ ရက်ဆိုရင်ဖြင့် မနော ရောက်ရှိခဲ့တာ ၃ နှစ်တင်းတင်းပြည့်တော့မှာ ဖြစ်ပါတယ်။ ၃ နှစ်မပြည့်ခင်အတွင်း လှူဒါန်းခွင့်ကြုံဆုံလာခဲ့ပါတယ်။ မနော လှူတယ်ဆိုပေမယ့်လည်း စာမူခ တစ်သိန်း ပေးအပ်တဲ့ သဂျီးကို အလွန်တရာမှ ဒီနေရာလေးကနေ ဂါရ၀ပြု ကျေးဇူးတင်လိုက်ပါတယ်။ ကိုယ့်ရဲ့စာမူခအဖြစ် ဒီလို ရရှိလာမယ်လို့ မနော ဘယ်တုန်းကမျှ မတွေးမိပါဘူး။ စိတ်ထဲလည်း မရှိခဲ့ပါဘူး။ ၀ါသနာကြောင့် ကိုယ်ပိုင်ဆိုက်တွေ ဖိုရမ်တွေ ၀င်ရောက်ရေးသားရင်း မန်းဂေဇက်ရွာထဲမှာ နွေးထွေးပျော်ရွှင်လာခဲ့ရပါတယ်။ ဒီအရာကတော့ ဘာနဲ့မှ မလဲနိုင်အောင် ဖြစ်မိတာပါပဲ။ မိတ်ဆွေတွေ အပေါင်းအသင်းတွေ နှစ်နှစ်ကျော် သုံးနှစ်အတွင်း တိုးပွားလာခဲ့တာဖြင့် မနောအတွက် တန်ဖိုးအရှိဆုံးအရာတွေပါပဲ။ ခုတော့ သဂျီးက လှူနိုင်အောင် ဖန်တီးခဲ့အတွက် မနောရဲ့ အလှူဒါနကို ၀ိုင်းဝန်းပီတီခံစားပေးဖို့ မေတ္တာရပ်ခံလိုက်ပါတယ်။ သဂျီးဆီက စာမူခအဖြစ် တစ်သိန်းပို့လိုက်တယ်လို့ မနော သတင်းကြားထဲက လှူချင်တဲ့စိတ်ဆန္ဒက ရင်ထဲကနေ အုံကြွလာတာဟာဖြင့် အစည်းအတားမဲ့ ဖြစ်စေခဲ့ပါတယ်။ ဒီတော့ မေမေ့က ရွှေစက်တော်သွားချင်တယ်ပြောနေတုန်းလေးမှာပဲ တစ်ဝက်ကို မေမေ့အတွက် ကန်တော့ဖြစ်ခဲ့ပါတယ်။ဆုံးသွားပြီဖြစ်တဲ့အဘိုးအဘွားတွေကို
စိတ်မှာရည်စူးပြီး ကျန်တစ်ဝက်ကိုလည်း သားသမီးမဲ့တွေ၊ ဆွေမျိုးမဲ့တွေဖြစ်တဲ့ နေ၀င်ချိန်အချိန်လေးကို စောင့်နေကြသော ဘိုးဘွားများအတွက် ဆည်းဆာရိပ်ဘိုးဘွားရိပ်သာမှာ လှူဒါန်းဖြစ်ခဲ့ပါတယ်။ မလှူခင် အလှူစာရင်းကြိုတင်ပေးရတာဖြစ်တဲ့အတွက် လှူရမည့်နေ့ ၆ ရက်နေ့ မနက် ၈ ခွဲတွင် သွားလှူမည့် နေရာ ဆည်းဆာရိပ်ဘိုးဘွားရိပ်သို့ လိုက်ပို့မည့် အန်တီနဲ့ ချိန်းထားရာ တာမွေအ၀ိုင်းထိပ်သို့ ရောက်ရှိပြီး ၉ နာရီလောက်မှ ရိပ်သာတည်ရှိရာ အမှတ်- ၈၀၃/၈၀၅၊ မဟော်သဓာလမ်း၊ (၁၂)ရပ်ကွက်၊ အရှေ့ဒဂုံသို့ သွားရောက်ခဲ့ပါတယ်။ အတော့်ကို သွားရောက်ခဲ့ရပါတယ်။ ၁၀ ခွဲလောက်ရောက်တော့ အဘိုးအဘွားတွေကို ရေမိုးချိုး၊ သနပ်ခါးလိမ်းပေးနေတာ တွေ့ရပါတယ်။ တချို့ ကိုယ်တိုင်သွားနိုင်တဲ့သူတွေကျတော့ ကိုယ်တိုင်ရေချိုးအ၀တ်အစားလဲပြီး လမ်းလျှောက်တုတ်ကောက်နဲ့ လမ်းလျှောက်နေကြပါတယ်။ သားသမီးပစ်ထားတဲ့မိဘတွေပါသလို လမ်းဘေးမှာ ငတ်ပြတ်ပြီး ရောဂါဖြစ်နေတဲ့ အဘိုးအဘွားတွေလည်း ပါကြတာကို တွေ့ရပါတယ်။ အဘိုး ၁၁ ယောက်နဲ့ အဘွား ၂၆ စုစုပေါင်း ၃၇ ယောက်ရှိတဲ့ ဆည်းဆာရိပ်ဟာဖြင့် တကယ့်ကို နေ၀င်ချိန်ကို စောင့်စားနေကြတဲ့ နိဗ္ဗာန်မရောက်ခင်စပ်ကြား ဘ၀ကူးကောင်းအောင် ဖန်တီးနေကြသလားလို့ ထင်မြင်နေမိပါတယ်။

``မွေးဖွားခြင်းသည် သေခြင်းတရားဆီသို့ ဦးတည်နေသော ခရီးလမ်း၏အစ´´ ဟူသော လူ့လောကသဘာဝတွင် အိုနာသေရေးနှင့် မလွဲမသွေရင်ဆိုင်ကြရမည်မှာ အမှန်တရားပင်ဖြစ်ပေသည်။
ထိုရှောင်လွှဲမရသော အကြောင်းတရားများနှင့် ရင်ဆိုင်ကြရသူများတွင်ကုသိုလ်ကံကောင်းသူများအဖိှု့၎င်းတို့၏ ဘ၀နေ၀င်ချိန်ထိ မရောက်ခင်အကြား ဘ၀ကိုပင်ပန်းဆင်းရဲကြီးစွာ

ဖြတ်ကျော်နေရရှာသည်။ အကျိုးပေးကံကောင်းသည့်
ဘိုးဘွားများအဖို့ သား သမီး မြေး များနှင့် ပျော်ရွှင်နေချိန်တွင် ကံအကျိုးပေးနည်းလှသည့် ဘိုးဘွားများမှာ ပြုစုစောင့်ရှောက်မည့်သူများ မရှိ၍သော်လည်းကောင်း၊ အခြေအနေအရပ်ရပ်ကြောင့်

လက်ခံစောင့်ရှောက်ထားရသော်လည်း ဘိုးဘွားများအပေါ် မနှစ်မြို့သဖြင့် ငြူစူမှုမျိုးစုံ အောက်တွင် သိမ်ငယ်စွာ ခံစားနေထိုင်ကြရကာ ဒုက္ခမျိုးစုံနှင့် ရင်ဆိုင်နေကြ ရပါသည်။ ထို့ကြောင့် ကြင်နာစွာ
စောင့်ရှောက်မည့်သူ ကင်းမဲ့နေသော ဘိုးဘွားများအတွက် မိသားစုသဖွယ် နွေးထွေးစွာ စောင့်ရှောက်ပေးနိုင်သော သီးသန့်ရိပ်သာကလေး တစ်ခုလိုအပ်လာပါသည်။
အကြောင်းအမျိုးမျိုးကြောင့် ခိုကိုးရာမဲ့ နေကြသော ဂီလာနဘိုးဘွားများအား ကြင်နာစွာဖြင့် ၎င်းတို့အပေါ်တွင် နားလည်စာနာစိတ်၊ သည်းခံစိတ်ဖြင့် ပြုစုယုယပေးမည့်

နွေးထွေးသောမေတ္တာများဖြင့် ဖေးမကူညီနိုင်ကြစေရန် မတည်ငွေဖြင့် “ဆည်းဆာရိပ်´´ ဂီလာနဘိုးဘွားများ ထိန်းသိမ်းစောင့်ရှောက်ရေးလုပ်ငန်းကို အကောင်အထည်ဖေါ်ခဲ့ကြ ပါသည်။

ရေရှည်တည်တံ့ခိုင်မြဲစေရန်အတွက် အများပြည်သူစေတနာရှင်များ၏ အကူအညီများ လိုအပ်လျက်ရှိပါသည်။ ထို့ကြောင့်ကျွန်ုပ်တို့နှင့် အတူ ဘိုးဘွားများအား နွေးထွေးသော

လက်များဖြင့်ဖေးမကူညီကြပါရန် မေတ္တာရပ်ခံပါသည်။

အဖွဲ့အမည်။ ။ ဆည်းဆာရိပ် ဂီလာနဘိုးဘွားများ ထိန်းသိမ်းစောင့်ရှောက်ရေးအဖွဲ့
တည်နေရာ။ ။ (၁) မစိုးရိမ်ကျောင်းလမ်း၊ မြို့ဟောင်းအလယ်ရပ်ကွက်၊ သန်လျင်မြို့။
(၂) အမှတ်-803/805၊ မဟော်သဓာလမ်း၊ (၁၂)ရပ်ကွက်၊ အရှေ့ဒဂုံ။
ရည်ရွယ်ချက်။ ။ အသက်အရွယ်အိုမင်း၍ ကျန်းမာရေးချို့တဲ့ကာ ခိုကိုးရာမဲ့နေသော ဘိုးဘွားများအား မိသားစုပုံစံဖြင့် ကြင်နာယုယမှုပေးရန်။
လုပ်ငန်းအစီအစဉ်။ ။ အဖွဲ့ဝင် အလှူရှင်တစ်ဦးမှ လှူဒါန်းသော အသင်းပိုင်မြေနေရာတွင် စေတနာရှင်များ၏ အလှူငွေများဖြင့်
အဆောက်အအုံဆောက်လုပ်၍ လုပ်ငန်းစတင်ရန်၊ ထိုမှတဖန် အလှူငွေတိုးတက်မှု အပေါ်တွင် အခြေခံ၍ မြေနှင့် အဆောက်အအုံတိုးချဲ့၍ ဆည်းဆာရိပ်ဂီလာနဘိုးဘွားများ ထပ်မံလက်ခံရန်။

လက်ခံမည့်ဘိုးဘွား။ ။(၁) လူမျိုး၊ ဘာသာမရွေး ကျွေးမွေးထောက်ပံ့မည့် သားသမီး၊ ဆွေမျိုးများမရှိသည့် ကျန်းမာရေးချို့တဲ့နေသော ဘိုးဘွားများ။
(၂) သား၊ သမီး၊ ဆွေမျိုးများရှိသော်လည်း ပြုစုစောင့်ရှောက်နိုင်သည့်အခြေအနေမရှိသည့် ဘိုးဘွားများ။

အသက်ကန့်သတ်ချက်။ အသက်(၇၀)နှင့် အထက် ဘိုးဘွားများ (လိုအပ်ပါက ကျန်းမာရေးနှင့် အခြားအချက်အလတ်များကို ထည့်သွင်းစဉ်းစား၍ ကန့်သတ်ချက်ကိုအမှုဆောင်အဖွဲ့မှ

ညှိနှိုင်းလက်ခံပါမည်။)

ဂီလာနဘိုးဘွားများ ထိန်းသိမ်းစောင့်ရှောက်မှု။
(၁) ဂီလာနဘိုးဘွားများ၏ လက်ရှိ ကျန်းမာရေးအခြေအနေနှင့် လှုပ်ရှားနိုင်စွမ်းကိုကြည့်၍ တစ်ဦးချင်းစီ၏ လိုအပ်ချက်များကို ဆရာဝန်၏ ညွှန်ကြားချက်အတိုင်း ကျန်းမာရေးဝန်ထမ်းများနှင့်

စေတနာရှင်များမှ စနစ်တကျပြုစုစောင့်ရှောက်ပေးရန်။

(၂)ဘိုးဘွားများ၏ ကျန်းမာရေးကို ကျန်းမာရေးစောင့်ရှောက်မှုအဖွဲ့မှ အခါမလပ် ကြည့်ရှုစောင့်ရှောက်သကဲ့သို့ အမှုဆောင်အဖွဲ့မှလည်း နေ့စဉ်အလှည့်ကျသွားရောက်ကြည့်ရှု၍

လိုအပ်ချက်မှန်သမျှ ဖြည့်ဆည်းပေးရန်။

(၃) ဘိုးဘွားများအတွက် အာဟာရပြည့်ဝ၍ သန့်ရှင်းလတ်ဆတ်သော အစားအစာများကို စီမံကျွေးမွေးခြင်း၊ အသုံးအဆောင်၊ အ၀တ် အထည်နှင့် နေရာထိုင်ခင်းစသည်တို့အား သန့်ရှင်းသပ်ရပ်စွာ

ထားရှိစေခြင်း၊ ဘိုးဘွားများ ဘာသာဝင်အလိုက် ကိုးကွယ်ပွားများ အားထုတ်မှုကို ၄င်းတို့၏ဆန္ဒအတိုင်း ကူညီဆောင်ရွက်ပေးရန်။
ဥပမာ – တရားစာအုပ်ဖတ်ပြခြင်း
– တရားခွေဖွင့်ပေးခြင်း
– ရှုမှတ်ပွားများရန်အတွက် လမ်းပြပေးခြင်း

ဝန်ထမ်းရွေးချယ်။ ။ လူမှုဝန်ထမ်းကိစ္စများကို စိတ်ပါဝင်စား၍ ဆေးပညာတတ်မြောက်သူများ၊ သက်ကြီးရွယ်အို ဘိုးဘွားများကို ချစ်မြတ်နိုး၍စိတ်ရှည်သည်းခံနိုင်သူများ ဖြစ်ပါသည်။

ဆက်သွယ်လှူဒါန်းရန်
ဒေါ်သန်းမြင့်အောင် (စာရေးဆရာမ)
ဖုန်း – ၀၉ ၉၉ ၂၈၅၄၉၊ ၂၀၅၄၅၁

ဒေါ်သက်နွယ် (တရားရုံးချုပ်ရှေ့နေ)
ဖုန်း – ၃၈၈၁၃၂၊ ၀၉ ၅၀၄၃၉၅၉

ဒေါ်ထွေးမြင့် (တရားရုံးချုပ်ရှေ့နေ)
ဖုန်း – ၀၉ ၉၀ ၄၂၄၈၈၊ ၂၉၀၉၆၄

ဒေါ်စန်းစန်း (တရားရုံးချုပ်ရှေ့နေ)
ဖုန်း – ၀၉ ၅၀၅၉၉၈၂

ဒေါ်ရီရီမေ (တရားရုံးချုပ်ရှေ့နေ)
ဖုန်း – ၀၉ ၅၀၅၅၀၆၀

ဒေါ်ငွေလှ
ဖုန်း – 09 5177320, 293288
(နံနက် ၁၀ နာရီမှ ၄ နာရီအတွင်း)

ဒေါ်ခင်မေထွေး (တရားရုံးချုပ်ရှေ့နေ)
ဖုန်း – ၀၉ ၅၀၈၈၂၀၃

ဒေါ်ထားထား (စာရေးဆရာမ စုထား)
ဖုန်း – ၀၉ ၂၀၁၇၉၆၁

ဆည်းဆာရိပ် ဂီလာနဘိုးဘွားများ ထိန်းသိမ်းစောင့်ရှောက်ရေးအဖွဲ့ ရှင်သန်အောင်မြင်ရေး အတွက် ပရဟိတစိတ်ဓာတ်ဖြင့် ၀ိုင်းဝန်းကူညီကြပါစို့။

ပုံတွေက ကွန်နက်ရှင်မကောင်းလို့ ထပ်မံတင်ပေးပါမယ်နော်…

manawphyulay

About manawphyulay

manawphyu lay has written 701 post in this blog.

I like Design. I am writing blog. http://www.manawphyu.net

Related posts:

  1. ခိုကိုးရာမဲ့ ဂီလာန မိအိုဖအိုတွေကို ဘယ်လိုများကူညီပေးနိုင်မလဲလို့ စဉ်းစားကြည့်ရအောင်
  2. ခိုကိုးရာမဲ့ ဂီလာန မိအိုဖအိုတွေကို ဘယ်လိုများကူညီပေးနိုင်မလဲလို့ စဉ်းစားကြည့်ရအောင်
  3. ကျောက်ဖြူတွင် တည်ဆောက်မည့် ဘိုးဘွားရိပ်သာ အကူအညီများ လိုအပ်နေ
  4. နာမည်လေးတစ်ခု
  5. နာမည်လေး